Arheologtar Almaty oblysynyŋ taularynan tarih üşın qūndy eskertkışterdı tapty, dep habarlaidy “Adyrna” ūlttyq portaly Tengrinews-qa sıltep.
Tauly aimaqta arheologtar üş myŋ jyl būryn qoldanylǧan malşylar lagerın zerttep, «tas üilerdı» tapty.
Älkei Marǧūlan atyndaǧy instituttyŋ bır top arheologtary Almaty oblysy Jambyl audanyndaǧy Serektas alqabynda köp jyldan berı alǧaş ret zertteu jūmystaryn jürgızdı. Nätijesınde 2000 jyldardyŋ basynda belgılı arheolog Aleksei Mariaşev Serıktas qonysyn, sondai-aq jartastaǧy suretterdı aşqan.
Arheologtardyŋ sözınşe ūzaq uaqyt boiy būl aumaqta qazba jūmystaryn jürgızuge qarjy tapşy bolǧan. Alaida, aǧymdaǧy jyldyŋ şılde aiynda körşıles Serıktas-2 uchaskesınde jūmys bastalypty.
Ǧalymdar būl jerde qola däuırınen orta ǧasyrlarǧa deiın ärtürlı taipalar men ūlttar paidalanǧan qystau bolǧanyn anyqtady.
«Döŋgal tipındegı üilerdı qazdyq Arheologiiada qola däuırındegı Beǧazy-Dändıbaev mädenietı belgılı jäne soǧan bailanysty bolsa kerek, mūnda ömır sürgen adamdar mal ösırumen ainalysqan», - deidı ekspedisiia jetekşısı, ǧylym doktory Albina Erjanova.
Ǧalymdar köne üidıŋ ışkı körınısımen de bölıstı.
"Işınen ūsaq tastarmen qaptalǧan, syrty topyraqpen jabylǧan ülken tūrǧyn üidı qarap şyqtyq. Işı üş bölmege bölıngen, al bölmenıŋ ortasynda tas oşaq bar. Arnaiy jylu jüiesı ornatylǧan”, - dep atap öttı.
Üiden toŋazytqyştyŋ analogy retınde paidalanuǧa bolatyn oiyqtary bar qosalqy bölme de anyqtaldy. Onda azyq-tülık qorlary saqtalǧan körınedı.
Odan bölek, üiden keramika synyqtary köptep tabyldy. Zertteuşıler keramikanyŋ öte sapaly jasalǧanyn atap öttı.
Köptegen süiek qaldyqtaryna, sondai-aq terı öŋdeuge arnalǧan tas qūraldarǧa süiene otyryp, ǧalymdar Serıktas-2 qonysynyŋ tūrǧyndary mal şaruaşylyǧymen jäne qolönermen ainalysqan degen qorytyndyǧa keldı.
Ūqsas jaŋalyqtar
