Jýrnalıst Bıbigúl Dáýletbekqyzy áleýmettik jelidegi paraqshasynda dzıýdodan qazaq eline tarıhı altyn syılaǵan Eldos Smetovti synap, jazba jarııalady, dep habarlaıdy “Adyrna” ulttyq portaly.
Bıbigúl Dáýletbekqyzy sportshyǵa eldiń aldynda júrgendikten, jastardyń sanasyn dinmen "ýlamaýǵa" shaqyrdy.
"Jýrnalıst mamandyǵyn alǵanymda ustazym Kamal Smaılovqa: "Aqıqatty ǵana jazamyn. Qarapaıym halyqtyń sózin sóıleımin" dep sert bergenmin. Osy ýádemde turý paryzym! Meniń mindetim – Qazaq degen ultymdy saqtap qalý! Bir altyn ákeldi eken dep, myńdaǵan balanyń balaǵyn qysqartyp, saqalyn uzartyp, erteńgi kúni óz halqyma qarsy shyǵartyp ala almaıdy ekenmin! Qaı-qaısyńa da aıtarym osy: Eldiń aldynda júrsiń be? Tynysh júr ýaǵyzyńdy aıtpaı, jastardyń sanasyn ásiredinmen ýlamaı! Ánshisiń be? Ánińdi aıt! Sportshysyń ba? Jattyqtyr!", - dep jazdy ol.
