Meniń oıymsha bizdiń qoǵam kapıtalızmniń qatal zańdylyqtaryna jyl ótken saıyn enip barady. Týrasyn aıtý kerek qazaq halqy eshqashan kapıtalızmde ómir súrip, álemdik órkenıette ǵylym, bilim, jańalyq ashýdan, ekonomıkadan shynaıy básekege túsip kórmegen. Qazirgi ótpeli kezeńde qundylyqtar men zamanǵa saı kelmeıtin sananyń transformaııasyn bastan ótkerýimiz qajet. Jalpy ult modernızaııaǵa túsýi kerek. Bolmysy men sanasy, álemdi qabyldaý túsinigi transformaııadan ótýi tıis. Aýyr bolsa da bul joldan ótýimiz qajet. Álemge ashylýmen aqyryndap bolsa da qazirgi tańda bul proess júrip jatyr.
Osy jerde túsinispeýshilik te bar. Jalpy bizdiń qoǵamdaǵy áńgimeniń aýany maıda, usaq áńgimeniń deńgeıinen shyǵa almaıdy. Tehnologııa, jańalyq ashý qazaqqa qatysy joq dúnıe sekildi. Erteń Ilon Mask Marsqa ushyp barsa qazaq "Eee, barypty ǵoı" deıdi de óziniń qazanyna saı keletin taqyrypqa qaıta túsip, sony qaýjap otyra beredi. Osyndaı usaq taqyryptardy eldiń aldynda júrgen zııalylardyń ózi bastaıdy. Sebebi olardyń ózi, jalpy bizdiń bárimizdiń deńgeıimiz sol negizi. Bilsek aıtamyz, bilmesek ne aıtamyz?.. Qoldan kelse jasaımyz. Kelmese ne jasaımyz?.. Adamzattyń damýy, órkenıettiń betalysy bizge qajeti joq dúnıe sekildi qabyldaımyz. Bizdiń taqyryp emes degen beısanaly túısik jaýlap alǵan. Osy ramkadan shyǵa almaımyz. Dál osylaı kete bersek "Vechno dogonıaıýıı ekonomıkasy" bar el qatarynan máńgi shyqpaımyz. Ary qaraı ekonomıka, táýelsiz memleket, máńgilik el degenińniń ózi ǵylymy myqty orys pen qytaıdyń ortasynda otyrǵan biz úshin úlken suraq. Bir zamanda bizdiń býyn ne keler urpaq bul problemamen betpe-bet keledi.
Baýyrjan SERIKBAIEV
"Adyrna" ulttyq portaly
