Äleumettık jelıde qyz balanyŋ dörekı äreketı tüsken beine tarap kettı, dep habarlaidy "Adyrna" ūlttyq portaly.
Būl turaly inbusiness.kz saity jariialady.
Oqiǧa şılde aiynda bolǧan. Tün ışınde jıgıt pen qyz köşede jürgen. Taraǧan beinede boijetken äkesınıŋ Qarasai audanynyŋ basşysy ekenın aityp, aiǧailai bastaǧanyn baiqauǧa bolady.
"Sen menıŋ äkemnıŋ kım ekenın bılesıŋ be? Qarasai audanynyŋ bastyǧy. Audandyq ışkı ıster basqarmasy", - dep boijetken aiǧaiǧa basqan.Almaty oblystyq polisiia departamentı videodaǧy jaitqa tüsınık berdı. Qyzdyŋ aitqanyn da ötırık degen tūjyrym jasady.
"Būl jaǧdai Almaty oblysy aumaǧynda bolǧan joq. Sonymen qatar, beinejazbadaǧy qyzdyŋ sözderı şyndyqqa janaspaidy. Ol audandyq polisiia basqarmasy bastyǧynyŋ qyzy emes, onyŋ balalarynyŋ eŋ ülkenı nebärı 7 jasta", - dedı Almaty oblysy PD bölım basşysy Ernar Saidildin.Al keiınnen video Almaty qalasy köşelerınıŋ bırınde tüsırılgenı anyqtaldy.
"Almaly audandyq polisiia basqarmasynyŋ qyzmetkerlerı qūqyq būzuşylarǧa QR zaŋnamasyna säikes şara qabyldady. Olarǧa qatysty qoǧamdyq orynda mas küiınde jüru jäne tynyştyqty būzu derekterı boiynşa äkımşılık materialdar jinaldy. Mas er adam medisinalyq aiyqtyrǧyşqa jetkızıldı", - dep habarlady Almaty polisiia departamentınıŋ baspasöz qyzmetınen.
Ūqsas jaŋalyqtar
