Sporttyq gımnastıkadan Qazaqstan quramasynyń qorjyny taǵy bir altyn medalmen tolyqty! Bakýde ótken Álem Kýbogy kezeńinde Narıman Qurbanov jeńiske jetti. Bul týraly Mádenıet jáne sport mınıstri Ashat Oralov Facebook paraqshasyna jazdy, dep habarlaıdy “Adyrna” ulttyq portaly.
Qazaqstan sportshysy at ústinde jattyǵýda úzdik atandy. Ol 15.300 upaı jınap, Irlandııa men Albanııadan kelgen qarsylastarynan basym tústi.
“Aıta keterligi, ulttyq qurama óz tarıhynda tuńǵysh ret álem kýbogynyń bir kezeńinde birden eki altyn júldege ıe boldy. Alǵashqy altyndy Mılad Karımı jeńip alǵan bolatyn. Al Narıman bir apta buryn Katarda ótken jarys kezeńinde de úzdik tanylǵanyn atap ótken jón.
Gımnasttarymyzdyń úzdik nátıjeleri bizdi erekshe qýanyshqa bóleıdi. Barsha qazaqstandyqtardy osy jeńispen quttyqtaımyn, Narımanǵa aldaǵy saıystarda da tolaǵaı tabys tileımin!”, dep jazdy Ashat Oralov.
