Pavlodarda biudjet qarajatyn jymqyrǧan buhgalter sottaldy. Būl turaly oblystyq sot mälımdedı, dep habarlaidy “Adyrna” ūlttyq portaly.
Aqparatqa säikes, 2022 jyldyŋ qaŋtarynan bastap 2024 jyldyŋ nauryzyna deiın Pavlodar qalasyndaǧy № 4 böbekjai-baqşasynyŋ buhgalterı şaruaşylyq meŋgeruşısımen söz bailasyp, eseptık-töleu turaly tızımdı zaŋsyz jasaǧan. Ekeuı şottaryna zaŋsyz aqşa audaryp, memleketke jalpy somasy 41 million teŋgeden astam materialdyq zalal keltırgen.
Odan bölek, osyǧan ūqsas qylmystyq shemany paidalanyp, B.A. 2023 jyldyŋ qyrküiegı men 2024 jyldyŋ mamyry aralyǧynda "Pavlodar qalasynyŋ №7 böbekjai-baqşasy" MQKK-nyŋ buhgalterı bolyp qyzmet atqaryp, jalpy somasy 5 million teŋgeden astam biudjet qarajatyn jymqyrǧan.
"Sondai-aq buhgalter Pavlodar qalasynda jürıp, Aqquly audanyndaǧy "Qyzǧaldaq" böbekjai-baqşasynda qaşyqtyqtan buhgalter bolyp qyzmet etken. Būl jerde de 2023 jyldyŋ jeltoqsany men 2024 jyldyŋ mamyry aralyǧynda jalpy somasy 7 million teŋgeden astam biudjet qarajatyn jymqyrǧan", - deidı vedomstvo.
Prokuror sottaluşynyŋ ekeuıne de 7 jyl merzımge bas bostandyǧynan aiyru jazasyn taǧaiyndaudy sūrady. Sottaluşylar kınälaryn moiyndap, ökınıp, bas bostandyǧynan aiyrudan basqa jaza taǧaiyndaudy sūrady.
Sot şeşımımen ekeuı de 5 jyl merzımge memlekettık ūiymdarda qarjylyq jauapkerşılıkke bailanysty lauazymdardy atqaru qūqyǧynan aiyryldy jäne ärqaisysyna 7 jyl merzımge bas bostandyǧynan aiyru türındegı jaza taǧaiyndady.
Ükım zaŋdy küşıne älı engen joq.
