Óskemen-Almaty poıyzynda 74 jastaǵy zeınetker qaıtys boldy. Bul týraly polıııa departamentiniń baspasóz qyzmeti málimdedi, dep habarlaıdy “Adyrna” ulttyq portaly.
Qaıǵyly oqıǵany jolaýshylardyń biri áleýmettik jelide jarııalady. Aıtýynsha, poıyzda óte ystyq bolǵan.
«Atasy áıelimen birge tambýrǵa shyǵyp, aýa jetpeı qulap, qaıtys boldy. Munyń bári 13 jasar nemeresiniń kózinshe bolǵan. Jolserikte alǵashqy medıınalyq kómek kórsetý qobdıshasy bolmaǵan. Saryózek stansasyna jetken jedel járdem máıitti kórpemen alyp ketti. Zembil bolǵan joq», - dep bólisti jolaýshy.
Polıııa departamenti er adamnyń ólimine qatysty tergeýdi bastady.
«Qonaev stansasyndaǵy jergilik polıııa bólimi Óskemen-Almaty baǵytyndaǵy jolaýshylar poıyzynda kenetten qaıtys bolǵan oqıǵa boıynsha sotqa deıingi tergeý amaldaryn bastady. Tergeý júrgizilýde», - dep jaýap berdi departamenttiń baspasóz qyzmeti.
«Jolaýshylar tasymaly» AQ Saryózek stanııasynda №351 Óskemen-Almaty poıyzynyń bastyǵy densaýlyǵynyń kúrt nasharlaýyna baılanysty 74 jastaǵy jolaýshyǵa jedel járdem shaqyrǵanyn habarlady.
«Poıyz jolserikteri jolaýshylarmen jáne medıına qyzmetkerlerimen birge alǵashqy medıınalyq kómek kórsetý úshin barlyq sharalardy qabyldady. Ókinishke oraı, jedel járdem brıgadasy jolaýshynyń qaıtys bolǵanyn habarlady. Jolaýshy kondýktorǵa densaýlyǵynyń nasharlaǵanyna shaǵymdanbaǵan. Jolaýshy áıelimen birge Jarǵyz-tóbe stanııasynan Almatyǵa bet alǵan. Áıeliniń aıtýynsha, er adam astmamen aýyrady. Ulttyq tasymaldaýshy jolaýshynyń otbasyna kóńil aıtady», - delingen QTJ habarlamasynda.
