Qyrǧyzstanda üş almatylyq jäne bır mäskeulık alpinist qar köşkınınıŋ astynda qaldy, bıreuı qaza tapty, dep habarlaidy “Adyrna” ūlttyq portaly.
«29 şılde. Han Täŋırı ekspedisiiasy 2024. 5050 m biıktıkte, 8.15-te, Han Täŋırınıŋ oŋtüstık jaǧyndaǧy «bötelkege» kıre berıste, tört adamnan tūratyn top qar köşkını astynda qaldy: Boris Dedeşko (Almaty), Pavel Blajnov, Marianna Petrova (Almaty), Aleksei Smirnov (Mäskeu). Bızdı özımız qazǧan şūŋqyr qūtqardy. (...) Bız arşyp aluǧa tyrystyq, bıraq nätije bolmady. Ylǧaldy qar mūzǧa ainalyp, sausaqtarymyz qozǧala almai, toŋyp qaldy. Qar köşkını bızdı tasşa qatyrdy», - dep bölıstı alpinisterdıŋ bırı Pavel Blajnov äleumettık jelıdegı paraqşasynda.
Alpinist qar köşkını astynda 40 minuttan astam uaqyt bolǧanyn habarlady.
«Bız bazamen radio arqyly D.Grekovpen bailanysqa şyqtyq, tört jolserıkten tūratyn top bızden 20 minut joǧaryda jürdı, topty Vitalii Akimov basqardy. Bız olarǧa qai jerde ekenımızdı sipattadyq. Jıgıtter bızdı ızdei bastady, ızdeu şaralary ūzaqqa sozyldy. Barlyǧy 3 metrlık köşkınnıŋ astynda 40 minuttan astam uaqyt ötkızdık. Aleksei sol jerde qaza tapty, ol şūŋqyrǧa jasyrynyp ülgermedı, ol 1,5 metrge jetpedı, sırä, riukzagyn tastaǧysy kelmedı», - dep qosty Blajnov.
Sondai-aq ol qaitys bolǧan alpinistıŋ denesın arşu jūmystary 2 tamyzda bastalatynyn qosty.
«Olar bızdı arşyp alǧan soŋ, taǧy da qar köşkını jürıp, zattarymyz jan-jaqqa şaşyrady. Eşqandai zardaby timedı. Bız Alekseidı tastap, 4 myŋ metrlık bazaǧa qarai ūzaq tömen tüsudı bastadyq. 2 tamyzda Alekseidı arşyp alu jäne tüsıru jūmystary bastalady», - dep tüiındedı alpinist.
Ūqsas jaŋalyqtar
