Ádebıet ultqa qyzmet etedi. Al árbir ulttyń bolashaǵy, erteńi – bala. Balasyz qoǵam óspeıdi, balasyz urpaq jalǵasy bolmaıdy. Urpaq jalǵasy bolmasa, ulttyń erteńi bulyńǵyr bolmaq. Bala tárbıesi qıyndyǵy men qyzyǵy mol ıgilikterdiń biri bolsa, balalar ádebıeti - sol bolashaqqa baǵyt beretin rýhanı qazyna.
Balalar ádebıeti - ádebıettiń irgeli salasy. Tilge jeńil, júrekke jyly, bala uǵymyna qonymdy shyǵarmany jazý qandaı qıyn bolsa, sol názik salanyń synshysy bolý da - qıynnyń qıyny.
...Qolyma kitap aldym. Belgili synshy, professor Qulbek Ergóbektiń «Adamnyń bir qyzyǵy bala degen...» eńbegi adamǵa oı salatyn, balalar ádebıetiniń tarıhyn alystan arǵyǵa, keshegiden erteńgi kúnge jeteleıtin aýqymdy kitap eken.
Jalpy Ergóbek Qulbek esimi qazaq ádebıetin súıer qaýymǵa ǵana emes, alys-jaqyn shartaraptyń rýhanı ǵylymı ortasy na keńinen tanys. Al «Adamnyń bir qyzyǵy bala degen...» eńbegi esti adamdy oılandyratyn, tereń oıdy tolǵandyratyn, keleshektiń tiregi bolar balalar ádebıetiniń jáne balalar ádebıeti synynyń damýy qalaı degen saýalǵa jaýap beredi.
Kitapta avtordyń ár jyldary shyqqan jınaqtarǵa degen syn maqalalarymen birge qazaq balalar ádebıetiniń jaýhar qazynalaryn ádebı turǵydan taldaǵan eńbekteri kiriktirilgen.
Kitaptyń árbir bólimi de mazmunyna saı.
Balalar ádebıetiniń belgili synshysy, jazýshy Qulbek Sársenulynyń «Adamnyń bir qyzyǵy bala degen...» atty eńbegi memlekettik deńgeıdegi bıik marapattarǵa ábden laıyq eńbekterdiń biri dep oılaımyn. Bul eńbek bala bolashaǵyna qyzmet etedi.
Araı Júndibaeva, ádebıet synshysy, fılologııa ǵylymdarynyń PhD doktory, fılologııa ǵylymdary boıynsha halyqaralyq ǵylymı ekspert
