Pavlodar oblysynda shuńqyrǵa qulap ketken avtobýs apatyna «Maıqaıyńaltyn» ken orny kináli ekeni rastaldy. Bul týraly búgin, 30 shildede Astana qalalyq sotynyń baspasóz qyzmeti aıtty, dep habarlaıdy «Adyrna» tilshisi.
«Astana mamandandyrylǵan aýdanaralyq ákimshilik sotynyń 2024 jylǵy 16 sáýirdegi sheshimin ózgerissiz qaldyrdy. Jazataıym oqıǵa jumys ýaqytynda «KÁAQQ ROSh» JShS qyzmetkerleriniń eńbek mindetterin oryndaý kezinde bolǵan. Aktimen jumys berýshiniń kinási 100 paıyz anyqtaldy»,—delingen habarlamada.
Alaıda «Maıqaıyńaltyn» AQ jazataıym oqıǵada óziniń kinásin joqqa shyǵaryp, bul aktini daýlaǵan.
Jazataıym oqıǵa «Maıqaıyńaltyn» qaýipti óndiristik obektisinde tehnologııalyq joldyń joǵarǵy qabatynyń shahtanyń tazartý keńistigine qulaýy jáne «KÁAQQ ROSh» JShS qutqarýshylarymen birge avtobýstyń qulaýy saldarynan bolǵany anyqtaldy.
Sot arnaıy komıssııa aktide «Maıqaıyńaltyn» ken ornynyń 100% kinásin negizdi túrde kórsetti degen qorytyndyǵa keldi, óıtkeni bolǵan jazataıym oqıǵa talapkerdiń óndiristik qyzmetimen tikeleı baılanysty bolyp otyr»,—delingen habarlamada.
Elorda sottary arnaıy tergeý aktisiniń daýly qorytyndylary zańdy jáne negizdi dep tapty, al «Maıqaıyńaltyn»talaby qanaǵattandyrylmady.
Eske salaıyq, bıyl 4 qańtarda «Maıqaıyńaltyn» kompanııasy kenishiniń shuńqyryna avtobýs qulaǵan bolatyn. Saldarynan 4 qutqarýshy qaza tapty.
