Májilis spıkeri, «AMANAT» partııasynyń Tóraǵasy Erlan Qoshanov «Jastar Rýhy» jastar qanaty uıymdastyrǵan Astanadaǵy bos jumys oryndary jármeńkesine qatysty. Is-sharada Eńbek jáne halyqty áleýmettik qorǵaý mınıstri Svetlana Jaqypova jáne Astana qalasynyń basshylyǵy boldy.
Búgin bos oryndar jármeńkesi elorda ortalyǵyndaǵy Nurjol býlvarynda ashyq aspan astynda ótti. Bul – astananyń júregi sanalatyn jastar jınalatyn kórnekti oryn. Jármeńkede memlekettik organdar, kvazımemlekettik sektor jáne jeke kompanııalar arasynan 100-ge jýyq jumys berýshi 2 myńǵa jýyq bos jumys ornyn usyndy. Olardyń ishinde: Qazatomónerkásip, Halyk bank, Qazposhta, Samruk-Kazyna Construction, «Habar» agenttigi, Qazaqtelekom, Qazaq air jáne basqa da uıymdar bar. Is-sharaǵa 3000-ǵa jýyq adam qatysty.
Májilis Spıkeri, «AMANAT» partııasynyń Tóraǵasy Erlan Qoshanov jastarmen jáne jumys berýshi uıym ókilderimen áńgimelesti. Partııa Tóraǵasy Memleket basshysy óziniń saılaýaldy baǵdarlamasynda 2029 jylǵa deıin keminde 2,3 mln jasty jumysqa ornalastyrý mindetin qoıǵanyn atap ótti.
«Prezıdent Qasym-Jomart Toqaev eńbek adamynyń elimizdegi alar ornyn eskere otyryp, olarǵa erekshe qurmet kórsetilý keregin atap ótti. Kolledjder men joǵary oqý oryndaryn keshe ǵana támamdaǵan eńbek ótili men tájirıbesi joq jastar úshin jańa jumysqa ornalasý ońaı emes. Memlekettiń, qoǵamnyń, bıznestiń mindeti – bul proesti jeńildetý, jas mamandardy jumysqa ornalastyrýǵa járdemdesý. Osylaısha, árbir túlek eńbek naryǵynda óz ornyn taýyp, eldiń damýyna meılinshe tez úles qosa bastaıdy. «Jastarǵa jumys» partııalyq jobasy aıasynda uıymdastyrylǵan bos jumys oryndary jármeńkesi de soǵan baǵyttalǵan. Eki jyl qatarynan barlyq óńirde ótkizilip jatqan joba óz tıimdiligin kórsetýde», - dedi ol.
Jármeńke aıasynda Eńbek mınıstrliginiń ókilderi kelýshilerge «Enbek.kz» elektrondyq eńbek bırjasynyń múmkindikterin kórneki mysalmen kórsetti. «Samuryq-Qazyna» AQ ókilderi bos laýazymdarǵa kandıdattardy irikteýdiń ashyqtyǵyn arttyrýdaǵy ıfrlandyrýdyń róli týraly, Astana ákimdiginiń ókilderi NEET sanatyndaǵy jastardy jumyspen qamtýǵa járdemdesý jónindegi «Joltap» jobasyn, al elordalyq eńbek ortalyǵynyń qyzmetkerleri túlekterge arnalǵan «Alǵashqy jumys orny» jáne «Jastar praktıkasy» jobalary týraly habardar etildi.
«Jastar Rýhy»-nyń uıymdastyrýymen ótip jatqan bos jumys oryndary jármeńkesi elordada ǵana emes, elimizdiń barlyq oblys ortalyqtarynda ótýde. Oǵan kem degende 50 myń jas qazaqstandyq qatysady dep josparlanýda. Jármeńkeler bir tereze qaǵıdaty boıynsha jumys isteıdi. Onda jumys izdeýshi bos jumys oryndary týraly bilip qana qoımaı, egjeı-tegjeıli málimetter de ala alady. Jármeńkede jumysqa ornalasýdan basqa, jastardy áleýmettik qoldaýdyń barlyq memlekettik baǵdarlamasy boıynsha keńes alýǵa bolady. Atap aıtqanda, baspana nemese em alýdan bastap, bıznes ashý jáne ony meńgerýge deıin aqparat bar.
«Jastarǵa jumys» jobasy 2023 jyldyń qańtar aıynda bastaý aldy. Osy ýaqyt ishinde Qazaqstan boıynsha eki júzden astam bos jumys oryndary jármeńkesi ótti. Oǵan 160 myńnan astam adam qatysyp, 30 myń jas jumysqa ornalasýǵa joldama aldy. Al 30 myńǵa jýyq jas maman kásipkerlikti damytý úshin 2,5% jeńildikpen nesıeleý boıynsha keńes aldy.
Sýret: Talǵat Tanymbaev, Asylhan Seıdahmet