Búgin, 25 shildede Maıqaıyńdaǵy kenishte 55 jastaǵy tórtinshi qutqarýshy Aıyp Tileýbergenovtiń denesi 75 metr tereńdikten tabyldy, dep habarlaıdy «Adyrna» tilshisi.
Máıit saraptamaǵa jiberildi.
«Izdeý-qutqarý jumystary táýlik boıy jáne aıtarlyqtaı qaýippen júrgizilgenin atap ótken jón. Taý jynystary men topyraq únemi syrǵyp túsip jatty. Jumystarǵa ártúrli qyzmetterdiń 200-den astam qyzmetkeri tartyldy. 180 myńnan astam tonna taý massasy shyǵaryldy»,—dedi Tótenshe jaǵdaılar mınıstrligi.
Eske salaıyq, 4 qańtarda «Maıqaıyńaltyn» AQ aýmaǵynda avtobýs shuńqyrǵa túsip ketti. Buǵan deıin 3 adamnyń máıiti tabylǵan bolatyn.