Бүгін, 25 шілдеде Майқайыңдағы кеніште 55 жастағы төртінші құтқарушы Айып Тілеубергеновтің денесі 75 метр тереңдіктен табылды, деп хабарлайды «Адырна» тілшісі.
Мәйіт сараптамаға жіберілді.
«Іздеу-құтқару жұмыстары тәулік бойы және айтарлықтай қауіппен жүргізілгенін атап өткен жөн. Тау жыныстары мен топырақ үнемі сырғып түсіп жатты. Жұмыстарға әртүрлі қызметтердің 200-ден астам қызметкері тартылды. 180 мыңнан астам тонна тау массасы шығарылды»,—деді Төтенше жағдайлар министрлігі.
Еске салайық, 4 қаңтарда «Майқайыңалтын» АҚ аумағында автобус шұңқырға түсіп кетті. Бұған дейін 3 адамның мәйіті табылған болатын.
