Búgin, 25 shildede Qazaqstan musylmandary dinı basqarmasy mas kúıinde kólik júrgizgeni úshin qamaýǵa alynǵan Qostanaı oblysynyń bas ımamy Baqytbek Tájimbetke qatysty málimdeme jasady, dep habarlaıdy «Adyrna» tilshisi.
Múftııat bolǵan oqıǵa úshin eldegi musylman qaýymynan keshirim surady.
«Dinı basqarmanyń qyzmet júıesinde zań normalaryn jáne din qyzmetkeri etıkasyn óreskel buzatyn jeke tulǵalardyń dinı salada jumys isteýine moraldyq turǵydan quqyǵy joq. QMDB din qyzmetkerine laıyqsyz áreket jasaǵan Baqytbek Tájimbetti Qostanaı oblysynyń bas ımamy qyzmetinen bosatty. Qazaqstan musylmandary dinı basqarmasy bolǵan oqıǵany úlken ókinishpen qabyldap, elimizdegi musylman jamaǵatynan keshirim suraıdy. Alla Taǵala barshamyzdy jamandyq pen ókinishti isterge jeteleıtin nápsi qalaýynyń kesirinen saqtaǵaı»,— delingen habarlamada.
Eske salaıyq, buǵan deıin áleýmettik jelide Qostanaı oblysynyń bas ımamy ishimdik iship, mas kúıde ustaldy degen aqparat taraǵan edi.