Qazaq Oil janarmai beketı är kölıkten belgılengen mölşerlemeden 5-10 litrden artyq benzin körsetıp, zaŋsyz paida tauyp otyruy mümkın. Būl turaly jurnalist Arman Äubäkır Facebook paraqşasynda jazdy, dep habarlaidy “Adyrna” ūlttyq portaly.
Jurnalistıŋ aituynşa, janarmai beketı är kölıkten zaŋsyz paida tauyp otyruy mümkın. Sondai-aq, ol oqiǧa bolǧan ornynan video joldady.“Künı keşe Hantau auylynan (Jambyl oblysy, Moiynqūm audany) Almatyǧa kele jatyp, Burybaital degen jerde Qazaq Oil janarmai beketıne toqtadyq. Tuystar bolyp ekı kölıkpen kele jatqan edık. Qanat esımdı jürgızuşımız “70 litrlık bagyma 72 litr benzin qūiyldy. Işınde 10-15 litr benzin onsyz da bar edı. Hantauǧa jetkenşe jarty bag benzin bolǧan. Sonda 10-15 litr artyq benzin qaida qūiyldy?” dep şaǧymdandy. Kelesı kezektı Qaldybek esımdı ekınşı jürgızuşımız de tura sondai mäsele köterdı. “Kölıktıŋ bagy - 80 litr. Bıraq myna janarmai beketı 88 litr benzin qūiyp jıberdı. Kölıgım gazben jüretındıkten 10-15 litrdei benzinım qoldanylmai ünemdelıp tūrǧan. 80 litrlık bagqa 90 litrdei benzindı qalai qūiyp jıberdı? Soǧan aşuym kelıp tūr” deidı ol. Operator “qyz menıŋ būl mäselege qatysym joq, tek benzin qūiu tetıgın basamyn, qalǧan sūraqtaryŋyzdy basşylarǧa qoiyŋyz. Koll sentrge habarlasyŋyz” dedı. Koll sentrge habarlasyp edık, bärın tyŋdap alyp “benzin ölşeitın qazır masterdı joldaimyz” dedı. Bıraq jarty saǧat küttık, kelmedı. Aidalada tūrǧan janarmai beketıne jyldam eşkım kele qoimas. Jolymyzdan qalmaiyq dep ärmen qarai ūzaq küte almai jürıp kettık.
Qalt-qūlt etıp jürgen qanşama jūrt türlı-türlı alaiaqtarǧa tap boluda. Eger är kölıkten 5-10 litrden artyq jep otyrsa, kezek-kezek kelıp tūrǧan kölıkterden zaŋsyz paidanyŋ astynda qalyp otyrǧan joq pa? Qūzyrly organdar bır tekseruı kerek dep esepteimız”, dep jazdy ol.
