Májilis depýtaty Rınat Zaıytovqa Aqsýat halqy kólik mingizdi. Bul týraly belgili meenat, kásipker Dýlat Tastekeı áleýmettik jelidegi jeke paraqshasynda jarııalady, dep habarlaıdy “Adyrna” ulttyq portaly.
"Asyl besik – Aqsýat sport jáne óner festıvalinde Aqsýat jurty arda ulǵa qurmet kórsetip, astyna kólik mingizdi", – delingen jazbada.
Depýtatqa kólik syılaýǵa jınalǵan halyqtyń qarasy kóp. Kásipker jarııalaǵan vıdeodan Zaıytovtyń qolyn ustaımyn degenderdiń talasyn baıqaımyz. Al kólikke ıe bolǵannan keıin Rınat Zaıytov halyqqa kostıýmin laqtyryp, basyn ızep, alǵysyn bildiredi.
Jelide "Qazaqty qazaq kótermelemese, basqa kim kóteredi? Jaraısyzdar", "Kóre almaı, anaý-mynaý áńgime aıtpańdarshy, árbir qazaq er azamaty laıyq temir tulparǵa", "Shyndyqty shyryldatar shynshyl aqyn!" degen oqyrmandardyń jyly pikiri men quttyqtaýlary tolassyz kelip jatyr.
