Ýkraına prezıdenti Vladımır Zelenskıı Donald Trampty AQSh prezıdenttigine kandıdat retinde usynylýymen quttyqtap, sáttilik tiledi, - dep habarlaıdy “Adyrna” ulttyq portaly Deutsche Welle-ge silteme jasap.
«Men Donald Tramppen sóılestim jáne ony Respýblıkalyq partııadan prezıdent saılaýyna usynylǵanymen quttyqtadym. Sonymen qosa Pensılvanııadaǵy jan túrshigerlik qastandyqty aıyptadym», - dep jazdy Zelenskıı AQSh-tyń burynǵy prezıdentimen telefon arqyly sóıleskenin 20 shilde, senbige qaraǵan túni X áleýmettik jelisinde (burynǵy Twitter) málimdep.
Onyń sózinshe, Tramppen áńgimede ol "Ýkraınanyń bostandyǵy men táýelsizdigin AQSh-tyń qos palatasy men qos partııasynyń qoldaýy mańyzdy" ekenin atap ótken. "Álemdi ádiletti ári berik etetin" qadamdardy eki saıasatker jeke kezdesý kezinde talqylaýǵa kelisken. Ýkraına basshysy bul tusta Trampty "prezıdent" dep ataıdy.
Tramp ta Zelenskıımen "óte jaqsy" áńgimeleskenin aıtyp, "AQSh-tyń prezıdenti bolǵan jaǵdaıda soǵysty toqtatyp, álemge beıbitshilik ákelýge" ýáde berdi. Ol bul týraly Truth Social jelisinde jarııalaǵan.
Sonymen birge Zelenskıı Tramppen jáne onyń komandasymen olardyń usynystaryn tyńdaý úshin kezdesýge «daıyn» ekenin aıtty.
«Biz qarasha aıynda AQSh-tyń kúshti qoldaýyna ıe bolamyz ba, álde biz tolyǵymen jalǵyz qalamyz ba, sony túsingimiz keledi», - dep qosty ol.
Qosa keteıik, AQSh-ta prezıdent saılaýy 2024 jyly 5 qarashada ótedi.
