Boksshy Baqtııar Artaev Qazaqstan boks federaııasynyń vıe-prezıdenti jáne memlekettik bapker qyzmetinen nege ketti? Bul týraly ol "Ýaqyt kórsetedi" YouTube-arnasynda aıtyp berdi, dep habarlaıdy “Adyrna” ulttyq portaly.
Suhbat barysynda sportshy óziniń qyzmetinen ketýiniń birneshe sebebin atady.
Birinshisi – sol kezdegi Mádenıet jáne sport mınıstri Aqtoty Raıymqulovanyń ornyn basady dep qoryqqandar bolǵan kórinedi. Al, ekinshi sebebi – boksshynyń "Qańtar" oqıǵasyna qatysy bar degen kúdikpen ustalǵan "Dıkıı Armandy" qoldap jazba jazýy.
“Kim kimmen aralaspaı jatyr? Taza aqymaqtyq. Ashyǵyn aıtaıyq, túngi saǵat ekide kalıan shegip otyryp, sol kezdegi Sport komıtetiniń basshysy habarlasty. "Dıkıı Armanmen" aralasady ekensiń, jumysty bosatýyń kerek" dep aıtty. Aılyǵym 180 myń teńge boldy. Shetelde men sııaqty mamandy 10 myń dollar tólep shaqyrar edi. "Tokıodan jylap keldińder. Ulttyq Olımpıada komıteti men mınıstrlik kináni bir-birine jaýyp siltedińder. Altyn joq. Araǵa 2 saı kelip, Serbııadaǵy álem birinshiliginen eki altyn alyp berdim. Sonda 180 myń tólep, osynyń ózin artyq kórip kettińder me?" dedim. Meıli dep, trýbkany qoıyp, aryzymdy jazyp berdim”, - deıdi Baqtııar Artaev.
Boksshyǵa habarlasqan – sol kezdegi Sport jáne dene shynyqtyrý isteri komıtetin basqarǵan Samat Erǵalıev. Ol qazir bıýdjet qarjysyn jymqyrdy degen kúdikpen ýaqytsha ustaý ızolıatorynda jatyr.
“Alla sheber. Ózi máńgi sol jerde otyratyndaı oılady. Endi qazir ózi qaıda otyrǵanyn bilesizder”, - deıdi sportshy.
Eske salsaq, Baqtııar Artaev 2022 jyly aqpanda Boks federaııasynyń vıe-prezıdenti qyzmetinen ketken bolatyn.
2022 jylǵy aqpanda Baqtııar Artaev "Dıkıı Arman" retinde tanymal qylmys áleminiń serkesi Arman Jumageldıevke arnap post jazdy. Ol "baýyry úshin júregi aýyratynyn" aıtyp, bosatýdy suraǵan edi.
Arman Jumageldıev "Qańtar oqıǵasyna" qatysty eki jarym jyldan beri tergeý ızolıatorynda jatyr.
