Men Alakóldegi ǵylymı-zertteý jumysyna alty jyl qatarynan qatysqan ıhtıolog retinde aıtaıyn!
Respýblıkamyzda ıhtıofaýnasy lastanbaǵan jalǵyz sý aıdyny - Alakól kólder júıesi bolǵan!
Áttegen aı! Mynaý boljamym rastalyp búgin tóbemnen tas túskendeı bolyp otyrmyn!
Tabıǵatta bıoalýantúrlilik degen uǵym bar.
Sonymen qatar tabıǵatta, sý aıdynynda ıhtıofaýna quramynda balans degen uǵym bar. Ol balans túrli jaǵdaıda buzylady.
Basym jaǵdaıda eki aıaqty sanaly jaýyzdyń áserinen oryn alyp jatady.
Boljamyma sáıkes Alakól kólinen jaıyn men shortan degen eki jyrtqysh balyqtyń balyqshylar aýyna ilingeni rastaldy.
Bul jyrtqyshtar aldaǵy ýaqytta óz sanyn arttyryp jańa meken ortasynda taralýy yqtımal.
Buǵan kináli taraptar esh jazalanbaı "bıologııalyq qylmystan" ońaı qutylyp ony kórshi Qytaıǵa nemese kezdeısoq jaǵdaıǵa jaba salady degen senimdemin.
Árbir sý aıdyny oqshaýlanǵan aǵza sııaqty ekojúıeni quraıdy. Sáıkesinshe árqaısysynyń ózine tán ıhtıofaýna quramy bar. Ony buzýǵa bolmaıdy, zańmen tıym salynǵan.
Sony baqylaıtyn adamdar shoshqa taǵalap júr me???
Bir kezderi Balqash-Ile sý aıdynyna jylanbas balyqta osylaı enip qazir keńinen taralyp ketti.
Muny men aıtpasam ózge eshkim aıtpaıdy. Qarǵa qarǵanyń kózin shuqymaıdy!
Meırambek Pazylbekov
