Qazaqstannyŋ Abai, Şyǧys Qazaqstan, Türkıstan jäne Jambyl oblystarynda dabyldy eskertu jariialandy. Būl turaly Qazgidromet jariialady, dep habarlaidy “Adyrna” ūlttyq portaly.
Aqparatqa säikes, 8-10 şılde aralyǧynda atalǧan tört oblysta tauly jäne tau etegındegı aimaqtarda qatty jauyn-şaşyn saldarynan betkeiden su aǧyp, özender deŋgeiınen köterıledı. Saldarynan su basu qaupı tönedı.
"Su deŋgeiı qauıptı deŋgeiden asyp ketken jaǧdaida, özenderdıŋ jaiylma aumaqtarynda ornalasqan eldı mekenderdı, şaruaşylyq qūrylystardy jäne jergılıktı maŋyzy bar joldardy su basu qaupı saqtalady", - dep eskerttı vedomstvo.
"Qazavtojol" da jürgızuşılerdı saq boluǧa şaqyrdy.
"Dauyl kezınde qatty jaŋbyr men jel boluy mümkın. Onyŋ saldarynan jol körınbei, ılınısu naşarlaidy. Jyldamdyqty azaityp jäne qauıpsız araqaşyqtyqty saqtaŋyz. Kenetten manevr jasamaŋyz. Dymqyl jolda kölıktı kenet būrmaŋyz jäne tejegıştı baspaŋyz, kölık syrǧanauy mümkın. Kölıktı erkın jürgızıŋız", - deidı vedomstvo mamandary.
Olar jürgızuşılerge kölıktıŋ jaryǧyn jaǧyp jürgızudı ūsynyp, tereze tazalaǧyşty tekseru qajettıgın eskerttı.
"Qatty jel aǧaşty qūlatyp, onyŋ synyqtary jolda şaşylyp jatuy mümkın. Sondyqtan mūqiiat bolyp, kedergılerden aulaq bolyŋyz. Su basqan uchaskelerdı baiqaŋyz, eşqaşan tereŋ su arqyly ötpeŋız. Sudan şūŋqyrlar körınbei, sızdıŋ kölıgıŋızge zaqym keluı mümkın", - deidı jol mamandary.
