Dombyrada sheber oınap, qazaqty álemge tanytyp júrgen kúıshi Asylbek Eńsepov áleýmettik jelidegi paraqshasynda erekshe jazba jarııalady. Ol barsha halyqty Ulttyq dombyra kúnimen quttyqtady.
"Dombyra – qattylyq pen jumsaqtyq úılesimi. Dombyranyń eki ishegi - ejelgi zaman men osy zamannyń syryn shertedi! Dombyranyń úni - qaıshylasqan álemniń - jaýyzdyq pen meıirim, soǵys pen beıbitshilik, súreńsizdik pen sulýlyq arasyn jalǵaıtyn úılesim» dep Rım Papasynyń ózi syr shertkenindeı… «Qasterli aspap dala órkenıetiniń ajyramas bóligine aınaldy. Tól mádenıetimizdiń qundy qazynasyn saqtaý – barshamyzdyń paryzymyz. Dombyra tórden túspesin» - dep ózińiz aıqyndap aıtqanyńyzdaı – Dombyra men Qazaq egiz uǵym", - dep jazdy ol.
Jelige erekshe sýretter men ǵımarattyń maketin jarııalaǵan Asylbek Eńsepov Prezıdentten "Ulttyq Dombyra Ortalyǵynyń ashylýyna qoldaý bildirýin ótindi.
"Qurmetti Qasym-Jomart Kemel uly!
Sizdiń ulttyq ónerge degen zor qamqorlyǵyńyz ben erekshe kózqarasyńyzdy eskere otyryp, Elimizdiń tórinde, El ordasy Astana qalasynan biz usynǵan joba boıynsha «Ulttyq Dombyra Ortalyǵynyń» ǵımaraty salynyp, onyń saltanatty túrde ashylýyna bir ózińizdiń bastaý bolyp, qoldaý bildirýińizdi suraımyn. Asylbek Eńsepov", - delingen óner ıesiniń jazbasynda.
