Tabıǵat apatynan zardap shegip, úısiz qalǵan túrik aǵaıyndarǵa kómek bolsyn degen nıetpen qazaqstandyq birqatar qoǵam belsendileri Túrkııaǵa júz shaqty kıiz úı jibermek. Bul týraly tanymal ánshi Sáken Maıǵazıev óziniń Instagram-daǵy paraqshasynda jazdy, dep habarlaıdy “Adyrna” ulttyq portaly.
"Nurbek Bekbaý baýyrymyz, Arman Shora syndy atqaminerlermen aqyldasyp ıgi shara qolǵa alyndy. Túrkııadaǵy alapat jer silkinisten úıler qırap, biraz kisi opat boldy. Aman qalǵan týysqan túrik aǵaıyndarymyz shıtteı bala-shaǵasymen ashyq alańdarda, sýyq dalada júr. Boı jylytý úshin úıge kirýge qorqyp otyr. Osy sátte, qazaq jurty bop, júzdegen kıiz úı jibersek. Súıegi jeńil, qulamaıtyn kıiz úı – zilzaladan júregi shaılyǵyp qalǵan buqara psıhıkasyna qaýipsizdik kóńil kúı beredi. Eń bastysy Ata jurttan kelgen kómekti, alysta bolsaq ta, týysqan jurtty jalǵyz qaldyrmaıtynymyzdy seziner edi. “Túrkııaǵa 100 kıiz úı” naýqanyn bastaıyq”, – delingen jazbada.
Jeli qoldanýshylary da bastamany qoldaýda.
