Belgili Depýtat Baqyt Syzdyqova ómirdiń máni týraly áleýmettik jelidegi paraqshasynda jazdy. Ol ómirde barlyq nárseni jasap kórgenimen, ómirdiń mánin túsinbegenin jetkizgen. Shaman otynan sekirip, qabirge baryp sıynyp, baqyt izdegenin jasyrmady ol. Osylaısha, depýtat ómiriniń keıbir shaqtaryn esine alǵan, dep habarlaıdy Stan.kz.
«Ómirdiń máni nede? Men ómirdiń mánin uzaq ýaqyt boıy izdedim. Kitaptar oqydym, túrli dástúrlerdi zerttedim, Úndistanǵa bardym, Ashramdarǵa bardym, Goanyń altyn qumdarynda ıoga jattyǵýlaryn jasadym, qıyn joryqtarǵa bardym jáne bıik taýlarda minajat ettim, shaman otynan sekirdim. Ierýsalımdegi qasıetti qabirge baryp baqytty ete kór dep suradym, atqa minip, qorqynyshymdy jeńip, 25 metr bıiktikten sarqyramaǵa sekirdim», - deıdi Baqyt Syzdyqova.
Ómirinde jaqsylyq pen jamandyqty qatar alyp kele jatqan ol qandaı qıyndyq bolsa da, qandaı nárse jasap kórse de toqtamaǵanyn aıtady. Qoǵamdyq, saıası, áleýmettik ómirge belsene aralasqanyn jetkizdi ol.
«Aryqtadym, toldym, vegetarıan boldym. Tipti kóp aqsha taýyp, qaryzǵa da battym. Saılaýda jeńip shyǵyp, zańdar men memlekettik baǵdarlamalardyń negizin qalyptastyrdym. Bala quqyqtaryn qorǵap, uıym quryp, partııanyń qurlysymen aınalysyp ta úlgerdim», - deıdi Baqyt Syzdyqova.
Alaıda depýtat ómirdiń mánin taba almaı júrgenin aıtty. Sonymen qatar, Baqyt Syzdyqova osy suraqtyń jıi mazalaıtynyn ashyq aıtyp, oqyrmandarymen baılanys ornatqan.
«Qaıyrymdylyq jumystaryn da jasap, KVN sahnasyn da baǵyndyrdym. Teledıdar men ekrandy baǵyndyrdym. Mekkedegi Qasıetti Qaǵbaǵa baryp, Medınadaǵy paıǵambardyń qabirinde duǵa oqydym, adamdarǵa kómektestim jáne olar maǵan kómektesti, shabyttandyrdy. Biraq únemi ózime suraq qoıatynmyn. «Ómirdiń máni nede?» degen saýal sanamda júretin. Kóp nárseni kórsem de, jaýabyn tappadym. Al siz ómirińizdiń mánin taptyńyz ba?», - deıdi depýtat.
"Adyrna" ulttyq portaly
