"Jasyl Damu" AQ mälımetı boiynşa 2022-2023 jyldary jinalǧan util alymnyŋ jalpy somasy 447,3 mlrd teŋgege jetken, dep habarlaidy “Adyrna” ūlttyq portaly QazAqparatqa sılteme jasap.
Aqparaltqa säikes, qalǧan 20,8 mlrd teŋge — tauarlar men qaptama üşın alynǧan tölem. Sondai-aq, tölemderdıŋ jartysyna juyǧy kölık qūraldaryn importtauşylardan tüsken (201,86 mlrd teŋge).
Avtomobil naryǧyn monitoringıleu jäne taldau agenttıgınıŋ direktory Artur Miskariannyŋ atap ötuınşe, jinalǧan utilalym somasy (426,49 mlrd teŋge) 2022 jäne 2023 jyldy tolyq qamtymaidy. Atalǧan soma öndırılgen jäne importtalǧan tehnikanyŋ sanyna, sondai-aq stavkalardyŋ mölşerıne tıkelei bailanysty.
Sonymen qatar, 2022 jyly utilalymdy qabyldau men äkımşılendırude üzılıs boldy, būl bır jyldaǧy qorytyndy körsetkışterge äser ettı.
"Öndıruşıler importtauşylarmen bırge utilalymdy tolyq kölemde töleidı. Sodan keiın yntalandyru erejelerı boiynşa engızılgen somalar tehnika öndıruşılerınıŋ qarsy mındettemelerın saqtau ornyna qaitarylady. Tiısınşe, utilalym somasy Qazaqstanda şyǧarylǧan tehnikanyŋ baǧasyna engızılmeidı. Osylaişa, importtyq tehnikadan baǧalyq artyqşylyq qamtamasyz etıledı jäne el ışınde öndırıstı damytu üşın jaǧdailar jasalady", - dep tüsındırdı sarapşy.
Sondai-aq, maman jinalǧan utilalym somasy bırneşe ekologiialyq baǧyttar boiynşa jūmsalatyndyǧyna bailanysty ekologiialyq jaǧdaidy jaqsartu mümkındıkterınıŋ spektrı stavkanyŋ mölşerıne bailanysty ekenın mälım ettı.
