Aldaǵy kúnderi elimizdiń birneshe óńirinde kún 43 gradýsqa deıin ysıdy. Bul týraly otandyq sınoptıkter keshe, 27 maýsymda aıtty, dep habarlaıdy “Adyrna” ulttyq portaly.
"Qazgıdromet" RMK habarlaýynsha, 27 jáne 28 maýsym kúni eldiń batysynda, soltústik-batysynda qatty jańbyr jaýady. Taıaý kúnderi Qazaqstan aýmaǵynyń basym bóligine ıklon áser etip, batys jáne soltústik-batys óńirlerinde naızaǵaı bolyp, jańbyr jaýady. Odan bólek burshaq túsip, jel soǵýy yqtımal.
Jańbyr qarqyny 27 maýsymda ońtústik-batysta, 27-29 maýsym kúni soltústik-batysta, 28-29 maýsym kúni elimizdiń batysynda, soltústiginde artady. Qazaqstannyń shyǵysy men soltústik-shyǵysynda ǵana aýa raıy jaýyn-shashynsyz bolady. 27 maýsymda soltústik-batysta, 28-29 maýsym ońtústikte, 29 maýsym soltústikte, ortalyqta aptaptyń beti qaıtady.
Al eldiń shyǵysynda, ońtústik-shyǵysynda 40, 43 gradýsqa deıin qatty ystyq saqtalady.
