Siriiaǧa erkınen tys barǧan äiel balalarymen arpa, şöp jep kün körgen

Jat aǧymnyŋ jetegınde ketken qazaqstandyq äielder Siriiada bala-şaǧasymen arpa, şöp jep äreŋ aman qalǧan. Tuǧan jerlerıne jetu üşın tört täulık boiy jaiau jürıp kelıptı. «Jusan» operasiiasymen elge oralǧandardyŋ ışınde qaraǧandylyqtar da bar. «Jolǧa şyqqanymyzda maǧan Siriiaǧa ketıp bara jatqanymyzdy aitty. Sol sätte şok jaǧdaiynda tūrdym. «Qalai Siriiaǧa? Äielder ol jaqta ne ısteidı? Ol jaqta soǧys bolyp jatyr emes pe?» dedım. Al ol küieuı aitqandy äielınıŋ oryndauy kerektıgın aitty. Jyladyq, şu şyǧardyq. Mūnyŋ barlyǧy jolda boldy», - deidı qaraǧandylyq äiel. Sondai-aq, ol Siriiada jürıp özderınen būryn balalardyŋ qinalǧanyn aitady. Sebebı, as joq bolǧandyqtan, köşeden tapqandaryn jeuge mäjbür bolǧan eken. «Kenjeme 40 kün tolǧan edı. Ol şetınep kettı. Keiın ärı-berı köşıp jürdık. Bıraq soŋǧy jarty jylda dalada tūrdyq. Ol jaqta tamaq bolmady, juyndy ışıp, şöp jedık. Aştan ölmeu üşın adam kez kelgen närsenı jei beredı eken. Mūndai asty balalardyŋ asqazanynyŋ kötermegenı ras. Mūny adamdar jemeidı ǧoi», - deidı ol. Būdan özge ol Siriiada soŋǧy uaqytta kımnıŋ kım ekenıne qaramai bärın bombalap jatqanyn aityp nalydy. Tıptı, kışkene büldırşınderge deiın aiamaǧan eken.