Búgin qalalyq Jastar saıasaty máseleleri basqarmasynyń qoldaýymen «Jasyl el» jastar eńbek jasaqtary kezekti «Taza dúısenbi» akııasyn ótkizdi. Bul týraly elorda ákimdiginiń resmı saıty jarııalady, dep habarlaıdy “Adyrna” ulttyq portaly.
Atalǵan is-sharany «Taza Qazaqstan. Astana – tazalyq pen tártiptiń úlgisi» aýqymdy ekoakııasy aıasynda «Respýblıkalyq stýdenttik qurylys jáne jastar jasaqtary qozǵalysy» qoǵamdyq qory uıymdastyrdy.
170-ten asa jas Respýblıkalyq bas meshit aýmaǵynda tazalyq jumystaryn atqardy.
Uıymdastyrýshylardyń aıtýynsha, akııanyń maqsaty – qalanyń ekologııalyq jaǵdaıyn jaqsartý jáne tazalyqty saqtaý.
«Jasyl el» baǵdarlamasyn iske asyrý – memlekettik jastar saıasatynyń negizgi basym baǵyttarynyń biri.
«Bul elde kógaldandyrý, abattandyrý jumystaryn júrgizý arqyly stýdent jastardy eńbekpen qamtamasyz etý, kópshilik arasynda ekologııalyq tárbıeni nasıhattaý, óskeleń urpaqtyń óziniń jerine, eline degen súıispenshiligin qalyptastyrý maqsatynda uıymdastyrylýda. Sondaı-aq búgingi is-shara barysynda «Óndiris» turǵyn alabynyń aınalasyn tazartý jumystary júrgizildi. Ekologııalyq sana men mádenıetti qalyptastyrýymyz kerek. Ony árkim ózinen bastaǵany jón», - dedi «Respýblıkalyq stýdenttik qurylys jáne eńbek jasaqtary qozǵalysy» qoǵamdyq qorynyń tóraǵasy Marat Muhamedjanov.
Aıta keteıik, bıyl «Jasyl el» eńbek jasaqtarynyń XX eńbek maýsymy bastaldy. Joba aıasynda elorda boıynsha 4 200-den astam 14 pen 35 jas aralyǵynda jastar jumyspen qamtamasyz etiledi. Olar qalamyzdyń qurylys nysanyndaryna, qala mańyndaǵy «jasyl beldeýde», áleýmettik nysandardy, jalpy bilim beretin mekemeler aýmaǵynda, qala saıabaqtaryna, kógaldandyrý jumystaryna atsalysady.
