Elımızde säuır aiynan bastap 240 myŋ otbasyǧa berıle bastaǧan Atauly äleumettık kömektı 2000-nan astam adam zaŋsyz alyp kelgen. Tıptı olardyŋ arasynda būl qarajatqa qol jetkızu üşın jalǧan qūjat jasatqandar da bar. Al eŋ soraqasy, olarǧa keibır şeneunıkterdıŋ qolǧabys etkenı belgılı boldy, dep habarlaidy Almaty.tv tılşısı.

Bügın Ükımette osyndai mälımdeme jasaǧan Premer-ministrdıŋ orynbasary Gülşara Äbdıqalyqova tekserıs kezınde arnaiy komissiia qūjat jüzınde jaǧdaiy tömen degen azamattardyŋ zäulım üi, qymbat kölıkterınıŋ tabylǧanyn aitty. Eŋbek jäne halyqty äleumettık qorǧau ministrlıgı barlyq jaǧdaidy qūqyq qorǧau organdaryna tapsyrypty. Zaŋ būzǧandar Ükımetten alǧan qarjysyn tolyq qaitaruy tiıs. «Bügınde atauly äleumettık kömektı 240 myŋ otbasy nemese 1 million 400 myŋ adam alady. Bız solardyŋ arasynan jalǧan qūjat jasatyp, zaŋsyz taǧaiyndaǧandardy anyqtadyq. Ökınışke qarai, jaqsy mümkındıktı bas paidasyna tartqandar köp. Sondyqtan keibırı öz tabysyn qoldan azaityp, keibıreuler tıptı qūjat jüzınde ajyrasyp ta ketken», – dedı  QR Premer-ministrınıŋ orynbasary Gülşara ÄBDIQALYQOVA. Sonymen qatar, Nūr-Sūltandaǧy jeŋıl relstı kölık jobasy kelesı jyldyŋ soŋyna deiın aiaqtalady. 2020 jyly tapsyryluy kerek qūrylysy ärı qarai jalǧastyruǧa 1,5 milliard AQŞ dollary jetpei, jarty jolda toqtap qaldy. Aita ketsek, qūrdymǧa ketken «Astana bankı» esepşotynda Jeŋıl relstı kölık jobasynyŋ 80 milliard teŋgesı älı qaitarylmaǧan. «Nūr-Sūltan qalasynda jeŋıl relstı kölık jobasyn bügınde elorda äkımdıgı «Problemaly kreditter qory» aksionerlık qoǧamy, Ūlttyq bank jäne Qarjy ministrlıgı qarastyruda. Jobany odan ärı ıske asyru mäselesı 24 şılde künı Nūr-Sūltan qalasyn damytu jönındegı memlekettık komissiianyŋ otyrysynda qaralatyn bolady», – dedı QR Premer-ministrınıŋ orynbasary Jeŋıs QASYMBEK. Jiynda auyl şaruaşylyǧy jerlerın satu jäne jalǧa beru boiynşa moratorii mäselesı qozǧaldy. Jeŋıs Qasymbek jauapty ministrlıkte osy sūraqqa qatysty zaŋ jobasynyŋ tūjyrymdamasy tanystyrylǧanyn aitty. Aldaǧy uaqytta būl qūjat qoǧammen talqylau üşın öŋırlerge jıberıledı. Al jyl soŋynda Prezident janyndaǧy Ūlttyq qoǧamdyq senım keŋesıne ūsynylmaq.

"Adyrna" ūlttyq portaly