Facebook äleumettık jelısı arqyly mektep direktorynyŋ jemqorlyqty belşesınen basyp otyrǧanyn aityp, basşy boluǧa laiyqty emes dep jazba jariialaǧan äiel sot aldynda jauap berdı, dep habarlaidy «Adyrna» tılşısı otyrar.kz-ke sılteme jasap.
Tülkıbas audandyq sotynda jala jabu babynda közdelgen äkımşılık qūqyq būzuşylyq ısı qaraldy. Sot otyrysynda qūqyq būzuşy öz kınäsın moiyndap, ıstegen äreketı üşın keşırım sūraǧan.
Jäbırlenuşı mektep direktory äkımşılık hattamada körsetılgen uäjdı tolyq qoldaǧan. Iаǧni Facebook jelısı arqyly jariialaǧan mälımetter ar-namysy men qadır qasietıne nūqsan keltıretındıgın, ol mälımetter şyndyqqa janaspaitynyn aityp, qūqyq būzuşyny äkımşılık jauapkerşılıkke tartudy sūrady.
Sot qaulysymen qūqyq būzuşy Äkımşılık qūqyq būzuşylyq turaly kodekstıŋ 73-3 baby 2-bölıgımen kınälı dep tanylyp, oǧan 465 192 teŋge äkımşılık aiyppūl salyndy.
«Sot qūqyq būzuşynyŋ şyn nietpen ökınış bıldıruın, jäbırlenuşı men sottan keşırım sūrauyn, jas otbasy ekenın, jüktılıgın eskerdı. ÄQBtK-nıŋ 829-11-baby 2-bölıgıne säikes, salynatyn äkımşılık aiyppūl somasyn 30%-ǧa qysqartqan. Negızı atalǧan bapta közdelgen aiyppūl mölşerı 180 AEK, iaǧni 664 560 teŋgenı qūraidy»,-delıngen oblystyq sot mälımetınde.
