21 mausym künı Parlament palatalarynyŋ bırlesken otyrysynda deputattar 2023 jylǧy respublikalyq biudjettıŋ atqaryluy turaly Ükımet pen Joǧary auditorlyq palatanyŋ esepterın bekıttı, dep habarlaidy «Adyrna» tılşısı.
Ükımettıŋ baspasöz qyzmetınıŋ mälımetınşe, respublikalyq biudjet kırısterınıŋ jyldyq jospary 99,9 paiyzǧa (19 trln teŋge) oryndalǧan. Jyldyq infliasiia 2 esege tömendep, 9,8 paiyzdy qūrady. Jyl qorytyndysy boiynşa naqty ekonomikalyq ösım 5,1 paiyz bolǧan.
Būl rette respublikalyq biudjetke (1,4 trln teŋge) jäne Ūlttyq qorǧa (1,6 trln teŋge) tüsetın salyqtardyŋ tapşylyǧy baiqalyp otyr. Ükımettıŋ qaryzy 2024 jyldyŋ 1 qaŋtaryndaǧy jaǧdai boiynşa 25 trln teŋgenı qūrady. Onyŋ 72 paiyzy – biudjet tapşylyǧyn qarjylandyruǧa paidalanylatyn ışkı qaryzdar.
2023 jylǧy igerılmegen şyǧystar 73 mlrd teŋge boldy. Al biudjet qarajatynyŋ tiımsız paidalanyluy 489 mlrd teŋgenı qūrady.
Premer-ministr Oljas Bektenovtıŋ aituynşa, ekonomikalyq körsetkışterdıŋ
«Ösu qarqynyna kürdelı geosaiasi jaǧdai men sauda serıktesterımızdıŋ naryǧyndaǧy ahual syndy bırneşe parametr kedergı keltıruı mümkın. Bıraq, soǧan qaramastan, Ükımet öz maqsatyna jetu üşın barlyq rezervtık mümkındıkterdı bırıktıredı. Bız qazır saudada körsetkışterdıŋ bırşama tömendegenın körıp otyrmyz. Būl, ärine, su tasqyny men basqa komponentterdıŋ saldary, bıraq būl körsetkışterdı bırtındep tūraqtandyramyz. Boljamymyz boiynşa, ekonomikamyzdyŋ keibır salasy ösu üşın ülken äleuetke ie bolady. Būl qūrylys, infraqūrylym, jöndeu jūmystary, sondai-aq öŋdeu salasy. Ükımet būl salalardy auqymdy türde qoldaidy»,—dedı ol.
Premer-ministr auyl şaruaşylyǧy salasyn qarjylandyrudy 4 ese arttyru josparlanǧanyn atap öttı.
«540 milliard teŋge auyl şaruaşylyǧy öndıruşılerımızge baǧyttalady. Otandyq öndıruşını qoldau — Ükımet üşın öte maŋyzdy jäne negızgı tırek nükte»,—dep tolyqtyrdy Bektenov.
