Kışkentai balalarǧa it-mysyqtyŋ etın berıp qinaǧan şymkenttık emşı jazadan qūtylyp kettı. Öitkenı sot saraptamasy nätijesınde Ūlyqbek Smanovtyŋ psihologiialyq auytquy bar ekenı anyqtalǧan, dep habarlaidy «Adyrna»tılşısı Almaty.tv-ǧa sılteme jasap.
Jabyq sotta emşınıŋ būl alǧaşqy qylmysy emes ekenı de aityldy. 53 jastaǧy Smanov 30 jyl būryn abaisyzda adam öltıru babymen sotty bolǧan. Alaida jüikesınıŋ auytquyna bailanysty temır torǧa emes, auruhanaǧa jatqyzylǧan. Bıraq esepke sol küiı enbegen. Advokat jetımder ömırıne nemqūraily qaraǧan bılım basqarmasyn da kınälady.
«Eger emdelıp jatsa, bostandyqqa şyǧady. Ol 1995 jyldan berı şizofreniia diagnozymen esepte tūr. Būl ıste Astana, Almaty, Şymkent qalalaryndaǧy Bılım basqarmasynyŋ kemşılıgı köp. Smanov būryn osylai jauapkerşılıkke tartylǧany, esepte tūrǧany belgılı. Jüike auruy şizofreniiamen jas kezınen bastap auyrǧan. Sony eskermesten balalardy asyrauǧa bergen»,—dedı Smanovtyŋ qorǧauşysy Ubadulla Nūrmanov.
1990 jyldary ataǧy dürkıregen emşı 6 ret üilengen. Bıraq nekesınıŋ beseuı sätsız aiaqtalyp arada bala bolmaǧan. Al soŋǧy äielımen 6 balany asyrap alypty. Ol üşın tıptı arnaiy kurstan ötıp, sertifikat da alǧan körınedı.
«Küdıktı äielımen 2021 jyly üş ailyq psihologiialyq daiyndyq kursyn bıtırıp, tiıstı sertifikat alǧan. Osydan keiın olar elektrondy portal arqyly bala asyrap alu turaly ötınış joldaǧan. Barlyq ūsynylǧan qūjat mūqiiat tekserıldı. Psihikalyq auytqular nemese sertifikat bolǧan joq. Sottylyǧy da bolmaǧan. Tek oqiǧadan keiın onyŋ densaulyq jaǧdaiy da, sottylyǧy da derekter bazasynda paida boldy»,—dedı Bılım basqarmasynyŋ qorǧanşylyq jäne qamqorşylyq bölımınıŋ basşysy Nūrdäulet Abylaev.
Aita keteiık, balalardyŋ ekeuı Öskemen, qalǧandary Astana, Almaty jäne Şymkenttegı balalar üiınen eken. Qazır olar qaitadan özderı şyqqan balalar üiıne tabystalmaq. Al kämelet jasyna tolmaǧandardy qinau babymen küdıkke ılınıp, jazadan qūtylǧan Smanovtyŋ äielıne qatysty äzırge eşqandai qylmystyq ıs qozǧalǧan joq.
Būǧan deiın şymkenttık emşınıŋ asyrap alǧan 6 balasyn azaptaǧanyn jazǧan edık.
