Telejürgızuşı Dana Nūrjıgıt äleumettık jelıdegı paraqşasynda tūrmystyq zorlyq-zombylyqqa tap bolǧanyn aitty, dep habarlaidy "Adyrna" ūlttyq portaly.
Bırneşe ret tūrmysta bolǧan telejürgızuşı zorlyqqa ūşyraǧan kezınde jūmys ısteuge şamasy da kelmegenın aşyp jazdy.
«Äielderge qarsy zorlyq-zombylyq taqyryby menıŋ jeke basymdy da ainalyp ötpedı. Jäbırlenuşınıŋ ornynda bolyp, sot zalynda tūramyn degendı kım bılgen? Qiyndyq kımde joq? Men de moiymai, «bastysy densaulyǧym men käsıbımnen aiyrmasyn» deuşı edım. Alaida moraldyq-psihologiialyq qysym aldymen densaulyǧyma kesırın tigızdı, sodan soŋ TV efirde jūmys ıstei almaityn jaǧdaiǧa jetkızdı. Basşyǧa özım baryp, jūmystan ketemın dep şeştım sol kezde. Öitkenı tüske deiın tergeuşınıŋ aldynda, tüsten keiın kameraǧa, tıkelei efirde jūmys ısteuge jaramai qaldym», - dep jazdy ol.
Onyŋ ekınşı nekesı sätsız aiaqtalyp, sotqa deiın jügıngenın aitady.
«Ekınşı nekem baiansyz bolyp, toǧyspaityn jerden M.Ä. esımdı azamatpen mämılege kelıp, adamşa ekı jaqqa ketudıŋ ornyna, ıs nasyrǧa şauyp, jabyq esık jaǧdaiyndaǧy sot prosesıne deiın jettı. Ekı jarym jyl būryn zaŋdy türde ajyrasqan edık. Sodan soŋ 10 aiǧa juyq menıŋ talabym boiynşa onyŋ üstınen qozǧalǧan qylmystyq ıstıŋ tergeu prosesınen öttım. Soŋǧy nüktesı 28 mamyrda qoiyldy. Ükım 13 mausym künı küşıne endı. Istıŋ män-jaiyn aşpauǧa proseske qatysqandar qolhat berdık. Sondyqtan artyq sūraq qoimaŋyzdar», - dedı ol.
Telejürgızuşıge qiyn sätten şyǧuǧa balasynyŋ äkesı, būrynǧy küieuınıŋ de qoldau körsetkenın atap öttı.
«İä, men zaŋdy türde qorǧanuǧa mäjbür boldym. Basynda bärımız pendemız ǧoi, bır şeşımge kelermız dep jeŋıl körıngen ıstıŋ arty osynşama uaqytymdy, densaulyǧymdy alady dep oilamadym. Jūmystyŋ, üidıŋ, balamnyŋ berekesı qaşty. Qarjylyq şyǧyn, jüikenıŋ tozǧanyn aitpaǧanda... Būl oqiǧa men üşın ülken synaq ta, sabaq ta boldy. Osy jasqa kelıp, opasyzdyqpen däl osylai betpe-bet kelıp körmeppın. Qazylǧan orǧa qūlap jatqanymda qol ūşyn sozǧan dostarymnyŋ qadırıne jetpei kelgen ekenmın dep oǧan ökındım. Bärı sol künderı qasymnan tabyldy. Aiauly anamnyŋ dūǧasy, äkemnıŋ közı bolǧan qaryndasy Zäbida tätemnıŋ, ını-sıŋlımnıŋ qoldauy sürıngende süieu boldy maǧan. Tıptı marqūm Vladimir – Älımnıŋ äkesı, byltyr jazda hat jazyp, «Saq bol» dep maǧan qorǧan boluǧa tyrysty, jaryqtyq...», - dep jazdy Dana Nūrjıgıt.
Oqiǧa özıne sabaq bolǧanyn jetkızgen Dana Nūrjıgıt zaŋǧa jügınuge şaqyrdy.
«Men özımnıŋ taza, adal, ruhani ortada ösıp-önıp, ömır sürıp jatqanymdy kördım. «Qolda bar altynnyŋ qadırın bıl» degen şyǧar maǧan. Jer ortasyna kelgende Qūdai Taǧala «aidyŋ arǧy betındegı tünektıŋ» qandai bolatynyn körsettı maǧan. Kördım de şoşydym. Kürestım. Adal atym üşın, ädılet üşın, balam üşın... Äielderge qarsy zorlyq-zombylyq taqyryby – adam qūqyǧy taqyryby. Men özımnıŋ adam retındegı qūqyǧymdy qorǧadym. Būl jolda qanşama kedergılerden ötu kerek ekenın kördım. Közım jettı. Advokattaryma erekşe alǧys aitamyn. Bırlık pen bılıktılık arqasynda bır komanda bolyp jūmys ıstedık. Endıgı jerde menıŋ jazatyn, aitatyn, būqara sauatyn aşatyn mamandarmen bolatyn sūhbattarymnyŋ taqyryby osy mäselelerge de arnalady. Qapasta jürgen äielderge aitarym: qyspaqta ūstaǧysy kelgen erkek tek aşyqtyqtan qorqady. Batyl bolyŋyzdar! Menı de «Ūiat bolady, öz artyŋdy özıŋ aşasyŋ ba?»dep ūstaǧysy keldı. Būl –qylmyskerdıŋ ädısı. Senbeŋızder! Zaŋ! Tek qana zaŋǧa jügınıŋız! İä ūzaq jol, iä būl küres! Bıraq... Barlyǧy aiaqtalǧan soŋ Älımnıŋ aitqany janymdy jūbatty. «Balam, men osy oqiǧada bır kınäm bolsa, senıŋ aldyŋda kınälımın» dedım. On üş jastaǧy balamnyŋ aitqany: «Mama, özıŋızdı kınälai bermeŋız, sız baqytty bolamyz dep oiladyŋyz ǧoi», - dep jazdy telejürgızuşı.
