Kökşetauda 60-qa juyq köpbalaly otbasy köpten kütken päterdıŋ kıltın aldy

Oblys ortalyǧynyŋ alpys üş otbasy bırden qonystandy. Onyŋ ışınde 43 köpbalaly otbasy jäne 20 jetım bala bar. Aqmola oblysynyŋ äkımı Marat Ahmetjanov kökşetaulyqtardy qonys toiymen qūttyqtady.

«Öz üiıne ie bolu - är otbasy üşın, är adam üşın ülken mereke. El Prezidentı bırınşı kezekte azamattardyŋ äl-auqatyn jäne tırşılık sapasyn arttyruǧa baǧyttalǧan äleumettık jobalardy ıske asyruǧa erekşe nazar audarady. Maŋyzdy baǧyttardyŋ bırı - tūrǧyn üimen qamtamasyz etu. Bügıngı oqiǧa - qazaqstandyqtardyŋ ömır süru sapasyn arttyruǧa baǧyttalǧan memlekettık saiasatty ıske asyru jönındegı naqty şara», - dep atap öttı M.Ahmetjanov.

Aǧymdaǧy jyly öŋırdegı halyqtyŋ äleumettık osal toptarynyŋ sanatyna 840-qa juyq päterdı tapsyru josparlanuda, onyŋ ışınde 500-den astamy oblys ortalyǧynda. Būl maqsattarǧa şamamen                   16 mlrd teŋge biudjet qarajaty bölındı. Tūrǧyn üidı satyp aludyŋ jaŋa formaty köp balaly otbasylardyŋ, jetım balalardyŋ, mügedekterdıŋ jäne basqa da sanattaǧy balalardyŋ tūrǧyn üi jaǧdailaryn jaqsartuǧa, eŋ bastysy - kezektı qysqartuǧa mümkındık beredı. Sondai-aq, kredittık tūrǧyn üi aludyŋ memlekettık tetıkterı de jūmys ısteidı. Barlyq memlekettık baǧdarlamalar boiynşa 1500-ge juyq aqmolalyqty jaŋa qonyspen qamtamasyz etu josparlanuda. Köp balaly ana, Altyn  alqa iegerı Gülmira Qojahmetova  2010 jyldan berı kezekte tūr.

«Men öte quanyştymyn jäne rizamyn. Bız būl sättı 14 jyl küttık. Bızdıŋ jaŋa päter öte jaily, jaryq jäne keŋ. Jaqyn jerde mektep pen balabaqşa bar», - dedı Kökşetau tūrǧyny.

Aita keteiık, oblysta jaŋa tūrǧyn üilerdıŋ qūrylysy qarqyn aluda. Tek soŋǧy jyldary öŋırdıŋ tūrǧyn üi qūrylysyna 200 mlrd teŋgeden astam investisiia salyndy, 2 mln m² juyq tūrǧyn üi tapsyryldy. Nätijesınde 12 myŋǧa juyq aqmolalyq otbasy özderınıŋ tūrǧyn üi mäselelerın şeştı.