Jyl saıyn 14 maýsymda álemniń barlyq elderi Dúnıejúzilik qan donory kúnin atap ótedi. Osy merekege oraı Transfýzıologııa ǵylymı-óndiristik ortalyǵynda buqaralyq aqparat quraldarynyń ókilderi úshin baspasóz týry ótti. Is-sharany QR Densaýlyq saqtaý mınıstrliginiń qoldaýymen TǴÓO baspasóz qyzmeti uıymdastyrdy.
Ortalyq qyzmetkerleri BAQ ókilderine qan tapsyrýdyń paıdasy, donorlyq materıaldyń qaýipsizdigi týraly túsindirip, TǴÓO zerthanalarynyń jumysyn jáne donorlyq qandy alý jáne óńdeý proesterin kórsetti.
[caption id="attachment_201418" align="alignleft" width="2560"]
+[/caption]
«Bizdiń donorlyq qandy zerthanalyq testileý jáne qaıta óńdeý tehnologııalarymyz AQSh pen Eýropadaǵy qoldanylatyn tehnologııalarmen birdeı. Halyqaralyq standarttardy engizý erikti túrdegi qan donorlyǵyn damytýǵa, ınfekııalardy anyqtaý maqsatyndaǵy qannyń zerthanalyq skrınıng júıesin jetildirýge múmkindik berdi. 2013 jyldan bastap skrınıng IFT jáne PTR eki ádisimen júrgiziledi. 2010 jyldan bastap bizdiń ortalyqtyń bazasynda tolyq avtomattandyrylǵan analıtıkalyq jabdyqty paıdalana otyryp, eki satyly skrınıng qoldanylady. Bul qan dıagnostıkasynda qatelikter jiberý faktilerin boldyrmaıdy. TMD aýmaǵynda memlekettik deńgeıdegi zerthanalyq dıagnostıkanyń bul ádisi tek Qazaqstanda qoldanylady», - dep atap ótti Transfýzıologııa ǵylymı-óndiristik ortalyǵynyń basqarma tóraǵasy Sanııa Ábdirahmanova.
Bıylǵy jyly jahandyq naýqan «20 jyl rııasyz qýanysh: Rahmet Sizge, Donor!» uranymen ótýde. Ortalyq dárigerleri qan, plazma jáne tromboıtter donorlaryna rızashylyqtaryn bildirip, adamdardy jahandyq qan tapsyrý qozǵalysyna qatysýǵa shaqyrdy.
