Premer-mınıstrdiń orynbasary Serik Jumanǵarın «shegirte — halal ónim» degen atyshýly málimdemesine qatysty pikir bildirdi, dep habarlaıdy «Adyrna» tilshisi.
«Áleýmettik-saıası ómirimiz shıelenisip jatqandyqtan, azdap kóńil kóterý úshin
osyndaı málimdemeler jasaımyn. Degenmen, men eshkimge shegirtke jeýge bolady aıtqan emespin. Áńgime aıasynda onyń halal ónim ekenin aıttym. Bilýimshe, belgili bir aqparat quraldary bul faktilerdi tekserip, rastady. Men jaýapty memlekettik qyzmetkermin jáne, árıne, óz azamattarymyzǵa eshqashan shegirtke jeýdi usynbaımyn. Qudaıǵa shúkir, bizde azyq-túlik qaýipsizdigi qamtamasyz etilgen», - dedi ol.
Aıta keteıik, buǵan deıin Jumanǵarın Qazaqstanda shegirtkelerdiń qaptaýy jaıly sóz qozǵap, olardy tutyný halal ekenin aıtqan edi. Al 11 maýsymda Densaýlyq saqtaý mınıstri Aqmaral Álnazarova bul málimdemege qatysty pikir bildirdi.
«Árbir memlekettiń óziniń dástúri bar. Qazaqqa tán emes dástúr dep bilemin. Sondyqtan qazir onyń zııany, paıdasy bar, halal, halal emes dep aıtýǵa daıyn emespin. Bul meniń quzyretime kirmeıdi», - dedi ol.
