Memlekettık qyzmetşılermen qyzmettık etikany būzu faktılerı turaly onlain habarlauǧa bolady. Būl turaly QR Memlekettık qyzmet ısterı agenttıgınıŋ qoǧammen bailanys departament basşysynyŋ orynbasary Janna Bastarova aitty, dep habarlaidy QazAqparat tılşısı.
«Agenttıktıŋ jaŋa saitynda (qyzmet.gov.kz) memlekettık qyzmettegı bos oryndar turaly bıluge bolady. Jaŋa saitty 2 apta boiy testıleuden ötkızdık. Memlekettık jäne qūqyq qorǧau qyzmet etuge yntasy bar azamattar üşın «Memlekettık qyzmetke tüskım keledı» arnaiy bölımı ıske qosyldy. Jäne ol jerdegı aqparat kündelıktı jaŋartylyp tūrady. Sonymen qatar, ol bölımde respublikalyq jäne öŋırlık deŋgeilerde memlekettık äkımşılık lauazymdarǧa ornalasuǧa arnalǧan baiqaular turaly habarlandyrular jariialanady», - dedı Janna Bastarova. Sondai-aq, agenttık ökılı endıgı uaqytta memlekettık qyzmetşılerdıŋ ädepsız mınez-qūlqyna onlain türde şaǧymdanu mümkındıgı paida bolǧanyn aityp öttı. «Memlekettık qyzmetşılermen qyzmettık etikany būzu faktılerı turaly habarlau üşın «Ädepsız mınez-qūlyq turaly habarlau» bölımı jūmys jasaidy. Ol jerde beiädep qylyq körsetken memlekettık qyzmetşınıŋ aty-jönı men qyzmetın qaldyrady. Jäne uaqytyn körsetu qajet. Odan ärı ol şaǧym Memlekettık qyzmet salasyndaǧy baqylau deprtamentıne jöneltıledı. Ondaǧy mamandar mäselenıŋ män jaiyn anyqtap tekseredı. Odan bölek, atalǧan bölımde departament basşylarynyŋ jūmys telefondary körsetılgen. Iаǧni, basşylyqqa tıkelei habarlasyp aituǧa da bolady», - dedı ol.
"Adyrna" ūlttyq portaly
