Bügın, 12 mausym – Qazaqstan Halyq aǧartu komissariatynyŋ ūiymdastyruymen däl 100 jyl būryn 1924 jyly Orynborda alǧaş ret Qazaq Bılımpazdarynyŋ sezı şaqyrylǧan kün, dep jazady “Adyrna” ūlttyq portaly.
Qazaq ASSR-ı ornaǧannan soŋ 1924 jyly Orynborda mausymnyŋ 12-sınde Qazaq (qyrǧyz) bılımpazdarynyŋ tūŋǧyş sezı şaqyryldy. Osy sezde 12-13 jyl boiy qoldanylyp, ornyǧyp qalǧan qazaq tılınıŋ dybystyq tabiǧatyna laiyqtalyp özgertılgen, resmi türde qabyldanǧan alfavittıŋ mänı jönınde, dybys ädısımen oqytu ısı jönındegı mäseleler talqylandy.
Alty künge sozylǧan jiynnyŋ kün tärtıbınde 6 özektı mäsele qaralǧan eken. Būlar: jazu men älıpbi mäselelerı, qazaqşa pän sözderı, auyz ädebietın jiiu şaralary, oqu, ǧylym kıtaptaryn köbeitu jäne bastauyş mekteptıŋ baǧdarlamalary.
Professor Şerubai Qūrmanbaiūlynyŋ pıkırınşe, sezde, äsırese tıl mäselesıne airyqşa köŋıl bölıngen. Sezdıŋ kün tärtıbındegı negızgı alty mäselenıŋ üşeuın, iaǧni teŋ jartysyn tıkelei tıl mäselelerı qūraǧan. Bılımpazdar qūryltaiy qazaq tılı men ädebietınıŋ ǧylymi jüiesı, äsırese älıpbi, orfografiia, terminologiia, oqytu ädıstemesı, onomastika t. b. salalar boiynşa maŋyzdy qaulylar qabyldaidy. Ziialylar basqosuynyŋ jäne bır maŋyzdysy – sonau qasaŋ zamanda aǧartuşylyqqa, bılım men ǧylymǧa qatysty köterılgen mäselenıŋ älı künge de özektı bolyp tūruynda.
Ūqsas jaŋalyqtar
