Atyrau qalasynda Privokzalnyi şaǧynaudanyndaǧy päterlerdıŋ bırınen sanitarlyq-epidemiologiialyq qyzmet mamandary kışkentai balasy bar otbasyn öte las, antisanitariialyq jaǧdaida ömır sürıp jatqan küiınde anyqtady, dep habarlaidy “Adyrna” ūlttyq portaly.
Būl turaly äleumettık jelıde tarady.
Körşılerdıŋ şaǧymynan keiın sanitarlyq-epidemiologiialyq baqylau departamentı mamandary päterdıŋ esıgın aşqanda, tau bop üiılgen qoqys pen sasyq iıske tap bolǧan. Arnaiy qorǧanys kiımımen äreŋ kırgen mamandar üide adamdar tūryp jatqanyn, tıptı bır bölmede kışkentai balanyŋ jatqanyn anyqtaǧan.
Belgılı bolǧandai, ata-ana kışkentai balasymen bırge qoqystyŋ arasynda ömır sürıp kelgen. Tekseru barysynda päter tūrǧyndary polisiia bölımıne jetkızıldı.
Körşılerdıŋ aituynşa, olar päterden şyǧatyn qolqany qabatyn iıske bailanysty bırneşe ret ärtürlı qyzmetterge şaǧymdanǧanymen, naqty şara tek jaǧdai uşyǧyp ketken soŋ ǧana qabyldanǧan.
Qazır kommunaldyq qyzmet ökılderı päterden qoqysty şyǧaryp, dezinfeksiia jūmystaryn jürgızuge daiyndaluda.
