Memleketke opasyzdyq jasady dep aiyptalǧan Ūlttyq qauıpsızdık komitetınıŋ būrynǧy basşysy Kärım Mäsımov Prezident Qasym-Jomart Toqaevtan keşırım sūrap, raqymşylyq jasau turaly ötınış berdı. Būl turaly Informburo.kz saualyna bergen jauabynda ŪQK mälımdedı, dep habarlaidy “Adyrna” ūlttyq portaly.
Aqparatqa säikes, Kärım Mäsımov qazırgı uaqytta Sybailas jemqorlyqqa qarsy ıs-qimyl agenttıgınıŋ şeşımımen Astanadaǧy Ūlttyq qauıpsızdık komitetınıŋ tergeu izoliatorynda otyr.
«İä, ol osy mekemeden 2024 jyldyŋ nauryz aiynda Qazaqstan Respublikasy Prezidentınıŋ atyna keşırım turaly ötınış joldaǧan», dep rastady ŪQK.
Sondai-aq Mäsımovke qatysty Qylmystyq kodekstıŋ 218-baptyŋ 3-bölıgınıŋ 3-tarmaǧy («Qylmystyq jolmen alynǧan aqşany jäne özge de mülıktı zaŋdastyru») jäne 366-babynyŋ 4-bölıgı («Asa ırı kölemde para alu») boiynşa sotqa deiıngı tergeu jürıp jatqany habarlandy.
Eske salaiyq, Mäsımov 2022 jylǧy qaŋtar oqiǧasy kezınde ūstaldy. Oǧan qatysty qylmystyq ıs asa qūpiia grifımen belgılendı. 2023 jyldyŋ 24 säuırınde Astana soty QR Ūlttyq qauıpsızdık komitetınıŋ būrynǧy basşysy Kärım Mäsımovtı QR QK 175-babynyŋ 1-bölıgı men 3-bölıgı boiynşa, memleketke opasyzdyq jasady, bilıktı küşpen basyp aluǧa ärekettendı jäne bilıktı asyra paidalandy degen aiyppen 18 jylǧa bas bostandyǧynan aiyrdy. Onyŋ ükımge şaǧymdanu äreketı sätsız aiaqtaldy – apelliasiialyq sot ükımdı özgerıssız qaldyrdy.
Sondai-aq, onyŋ būrynǧy orynbasarlary Änuar Sadyqūlov 16, Däulet Erǧojin jäne Marat Osipov 15 jäne üş jylǧa sottaldy.
