Elimizde sý tasqyny kezinde qyrylǵan mal shyǵyndary tolyqtaı óteldi. Bul týraly Aýyl sharýashylyǵy vıe-mınıstri Amanǵalı Berdalın málimdedi, dep habarlaıdy “Adyrna” ulttyq portaly.
2024 jylǵy 7 sáýirde respýblıkalyq shtabta sýǵa ketken mal shyǵyndaryn óteýdiń algorıtmi bekitilgen.
Atalǵan algorıtm men qaǵıdattarǵa shyǵyndy bıýdjetten jáne bıýdjetten tys qarajat esebinen óteý kózdelgen.
«Sý tasqyny kezinde 140 myńǵa jýyq mal qaýipsiz jerge kóshirildi. Búginde jergilikti atqarýshy organdardyń jedel derekteri boıynsha respýblıkada 12 450 mal qyrylǵan, barlyq ólekse joıyldy, zalal 100% óteldi», - deıdi ol.
