Búgin Qazaqstan Respýblıkasynyń Úkimet úıinde 5-shi Dúnıejúzilik kóshpendiler oıyndaryn daıyndaý jáne ótkizý jónindegi Uıymdastyrý komıteti men Halyk Bank arasyndaǵy yntymaqtastyq týraly kelisimge qol qoıyldy.
Yntymaqtastyq týraly kelisimge Qazaqstan Respýblıkasy Premer-Mınıstriniń Birinshi orynbasary, 5-shi Dúnıejúzilik kóshpendiler oıyndaryn daıyndaý jáne ótkizý jónindegi Uıymdastyrý komıtetiniń Tóraǵasy Roman Sklıar jáne Hayk Bank AQ Basqarma Tóraıymy Úmit Shaıahmetova qol qoıdy. Qol qoıý rásimine Týrızm jáne sport vıe-mınıstri Serik Jarasbaev, 5-shi Dúnıejúzilik kóshpendiler oıyndaryn daıyndaý jáne ótkizý jónindegi Dırekııa basshysy Naıl Nurov qatysty.
Bul kelisim 5-shi Dúnıejúzilik kóshpendiler oıyndarynyń mańyzdylyǵyn arttyryp, memleket pen bıznes arasyndaǵy áriptestikti nyǵaıta túsedi. Bas seriktes retinde Halyk Bank 8-13 qyrkúıek aralyǵynda Astanada ótetin kóshpendiler oıyndaryn uıymdastyrý isine aıtarlyqtaı qoldaý kórsetedi.
Óz sózinde Roman Sklıar Qazaqstannyń tarıhı turǵyda dástúrli kóshpeli mádenıettiń saqtaýshysy ekenine erekshe mán berip, «Memleket basshysy Qasym-Jomart Kemeluly Toqaev kóshpeli órkenıettiń murasyn halqymyzdyń basty brendteriniń biri dep atady. Bul murany biz Astanadaǵy oıyndar kezinde jahandyq deńgeıde tanytýymyz kerek»,- dep málimdedi.
Roman Sklıardyń pikirinshe, 5-shi Dúnıejúzilik kóshpendiler oıyndarynyń bas seriktesi retinde Qazaqstannyń qarjy salasynyń kóshbasshysy – Halyk Bank-tiń tańdalýy tolyqtaı oryndy. Bank qarjylyq qyzmet kórsetýshi ǵana es, sonymen qatar búkil respýblıka boıynsha áleýmettik jobalardy belsendi túrde iske asyryp otyrǵan asa jaýapty mekeme.
Óz tarapynan Halyk Bank basshysy Úmit Shaıahmetova mundaı joǵary deńgeıdegi mańyzdy halyqaralyq jobaǵa qoldaý kórsetý bank úshin úlken mártebe ári asqan jaýapkershilik ekenin aıta kele, «Biz, 5-shi Dúnıejúzilik kóshpendiler oıyndaryn ótkizý elimizdiń álemdik qaýymdastyq aldyndaǵy abyroıyn arttyrýdaǵy aıtarlyqtaı qadam dep esepteımiz. Bul ortaq muramyz ben mádenı kodymyzdy saqtaýdyń mańyzdylyǵyn dáripteýge baǵyttalǵan, júzden astam memleket ókilderi qatysatyn halyqaralyq joba. Biz bank retinde eldiń damýy men Qazaqstan halqynyń ıgiligine baǵyttalǵan isterdi árqashan qoldaımyz», - dep atap ótti.
5-shi Dúnıejúzilik kóshpendiler oıyndary Astanada 8-13 qyrkúıek aralyǵynda ótedi. 21 sport túrin qamtyǵan dodaly jarysqa álemniń 85 elinen 2000-nan asa sportshy qatysady.
