Almaty oblysynda Qazaqstan Respýblıkasynyń Memlekettik rámizderi kúnine arnalǵan «Tuǵyrly týym» jáne «Patrıottyq forým» atty qos shara ótti. Atalmysh sharalar oblystyq ishki saıasat basqarmasymen jáne «Qoǵamdyq kelisim jáne damý ortalǵy» KMM-niń uıytqy bolýymen iske asty.
«Tuǵyrly týym» atty jıyn Ile aýdany, Ótegen batyr kentindegi Tý tuǵyrdyń mańynda ótti. Shara ánurannyń shyrqalýy men memlekettik týdyń saltanatty túrde kóterilýi men oblys ákimi Marat Sultanǵazıevtiń aqjarma tilegimen bastaldy.
«Qazaqstan Respýblıkasynyń rámizderi bizdiń tarıhymyzdy, mádenıetimizdi jáne ulttyq qadir-qasıetimizdi eske salady. Memlekettik rámizderimizde búkil Qazaqstan halqyn biriktiretin, jalpyulttyq biregeıligimizdi nyǵaıtatyn qudiretti kúsh bar. Olar árqashan jańa jetistikterge jetý jolynda bizge shabyt berip, kúsh-qýatymyzdyń qaınar kózi bolyp qala beredi», - dep quttyqtady óńir basshysy.
Jıyn «Qulansaz» folklorlyq-etnografııalyq ansambliniń «Kók týdyń jelbiregeni» atty patrıottyq ándi oryndaýymen jalǵasty. Án jınalǵandardyń júregin tebirentip jáne Otanǵa degen maqtanysh sezimin oıatty. Sonymen qatar, 30 baıkerden turatyn motoıklshiler sherýi ótti. Olar el birligi men kúsh-qýatyn bildiretin Memlekettik týdy Ile aýdanynan bastap Qonaev qalasynyń ortalyq alańyna deıin jelbiretip jetkizdi.
Is-shara Qonaev qalasynyń kireberisinen ortalyq alańǵa deıingi retro kólikterdiń saltanatty sherýine ulasty. Qonaev qalasyndaǵy retro kólik salonynyń jetekshisi ,meenat Murat Sirgebaev ta sherýge qatysty. Túski saǵat 12:00-de 10 myńnan astam oblys turǵyndary biraýyzdan Qazaqstan Respýblıkasynyń Ánuranyn shyrqap, eljandylyq pen erekshe kúıge bólendi. Osylaısha, «Patrıottar forýmy» dep atalǵan shara óz shymyldyǵyn túrdi.
Artynsha, qarǵyn sýmen kúreste aldyńǵy shepte júrip, otandastarymyzǵa qoldaý bildirgenińizge oblystyq Tótenshe jaǵdaılar qyzmetkerlerimen, eldiń baıraǵyn álemdik arenada jelbiretip júrgen birqatar sańlaq sportshylar oblys basshysynyń arnaıy alǵys hatymen marapattaldy.
Sharanyń kórkin Prezıdenttik orkestrdiń «ABYROY» tobynyń oryndaýyndaǵy «RÝH» áni kirgize tústi. Sonymen qatar, jergilikti ónerpazdarda án men bıden shashý shashyp, turǵyndarǵa merekelik kóńil-kúı syılady.
Aıta keteıik, shara barysynda qala turǵyndary men qonaqtary parashıýtshilerdiń kók týmen kórsetken ónerine de kýá boldy. Jalpy, mereke kúni oblys kóleminde 300-den astam merekelik is-shara ótip, 23.000-nan astam qatysýshy jınaldy. Oblystyń ár aýdanynda tý kóterilip, ánuran shyrqaldy.
