Memleket basshysy Italııa halqyn ulttyq merekemen quttyqtady, dep habarlaıdy "Adyrna" ulttyq portaly.
Búgin Italııada Respýblıka kúni toılanyp jatyr. QR Prezıdenti Qasym-Jomart Toqaev Italııa prezıdenti Serdjo Mattarellany jáne halqyn merekemen quttyqtady.
"Búginde Italııa saıası-ekonomıkalyq irgesi berik, halqynyń ál-aýqaty joǵary jáne jahandyq saıasatta bedeli bekem ári yqpaldy memleket sanalady. Bul turǵyda, elińiz bıyl «G7» damyǵan elder tobynda belsendi jetekshilik etip, jahandyq turaqtylyq pen qaýipsizdikti ilgeriletýge qomaqty úles qosyp otyr. Qazaqstan men Italııa arasynda ornaǵan strategııalyq áriptestiktiń erekshe mańyzǵa ıe ekenin atap ótkim keledi. Yqpaldastyǵymyzdyń qarqynyn nyǵaıtyp, áleýeti mol seriktestigimizdiń jańa qyrlaryn ashqan Rımge resmı saparymdy ystyq yqylaspen eske alamyn", – dep jazylǵan jedelhatta.
