Qazirgi ýaqytta Oral qalasynda sý tasqyny saldarynan sý basqan saıajaılardy baǵalaý jumystary júrip jatyr.
Mamandar búginde 2 myńǵa jýyq saıajaıǵa baǵalaý jumystaryn júrgizgen.
Elimizdiń birqatar óńirinen (Aqtóbe, Túrkistan, Qaraǵandy, Qyzylorda oblystarynan jáne Shymket qalasynan) baǵalaý jumystaryn júrgizetin 12 kompanııadan 104 maman tartylǵan.
Búginde kóptegen saıajaı ýchaskeleri áli de sý astynda tur. Birqatar ýchaskelerde sýdyń deńgeıi 1 metrden asady.
Alaıda mamandar qıyndyqtarǵa qaramastan sýy bar ýchaskelerge qaıyqpen baryp, baǵalaýdy barynsha jyldam ótkizýde.
Batys Qazaqstan oblysynyń ákimi Narıman Tóreǵalıev Oral qalalasyndaǵy 1-shi jáne 2-shi saıajaı ýchaskelerinde bolyp, baǵalaýshy mamandardyń jumysymen tanysty.
«Memleket basshysy sý tasqynan zardap shekken turǵyndarǵa jan-jaqty qoldaý kórsetýdi tapsyrǵan bolatyn. Óńirimizde osy baǵytta belsendi jumys atqarylyp jatyr. 9671 otbasyǵa 100 AEK kóleminde áleýmettik kómek kórsetildi. Endi 150 AEK kólemindegi tólemderdi jalǵastyrýdamyz. Qazirgi ýaqytta sý tasqynynan zardap shekken saıajaılardy baǵalaý jumystary júrgýzilýde. Baǵalaýshy kompanııalarǵa jumystardy barynsha jyldam aıaqtaýdy tapsyramyn» - dedi oblys ákimi.
