Búgin, 31 mamyrda prezıdent Qasym-Jomart Toqaev ǵalymdarmen kezdesti, dep habarlaıdy «Adyrna» tilshisi Aqordaǵa silteme jasap.
Memleket basshysy Almaty qalasynda ótip jatqan jıynda eldiń ǵylymı áleýetin damytý kerektigin aıtty.
«Shıkizatqa arqa súıep otyrǵan el alysqa barmaıdy. Bizge ǵalymdar, ınjenerler, ónertapqyshtar qajet. Mamandarymyz álemdik básekege tótep bere alatyndaı bilimdi, bilikti bolýy kerek.
Búginde alpaýyt elderdiń arasynda barlyq salada baqtalastyq órship tur. Biz osy kúrdeli kezeńde ekonomıkanyń jańa úlgisine kóshe bastadyq. Ádil, ınklıýzıvti ári básekege qabiletti ekonomıka qurýǵa kiristik. Ǵylym men ınnovaııa onyń basty tiregi bolýǵa tıis.
Biz kóshke ilesetin emes, kóshti bastaıtyn elderdiń qatarynda bolýymyz kerek. Bir sózben, ǵylymı áleýetimizdi arttyrý qajet. Jalpy, osy baǵytta biraz sharýa atqarylyp jatyr. Men Ǵylym jáne tehnologııalar jónindegi ulttyq keńestiń otyrysynda birqatar naqty tapsyrma berdim. Barlyq másele meniń tikeleı baqylaýymda»,—dedi ol.
Preztdent qazir «Ǵylym jáne tehnologııalyq saıasat týraly» zań jobasynyń Parlamentte qaralyp jatqanyn atap ótti.
«Keshe Senat ony birinshi oqylymda maquldady. Bul – óte mańyzdy ári kópten kútken qujat. Ǵylymdy basqarý júıesin jetildirý kerek. Ǵalymdarǵa áleýmettik qoldaý kórsetý máselesi de óte mańyzdy. Sondyqtan Zańda ǵylymı qaýymdastyqtyń múddesi barynsha eskeriletin bolady»,—dedi basshy.
