Aqtóbede eks-áıelin qylqyndyryp óltirgen er adam 11 jylǵa bas bostandyǵynan aıyryldy. Bul týraly Aqtóbe oblysynyń qylmystyq ister jónindegi mamandandyrylǵan aýdanaralyq sotynyń baspasóz qyzmeti aıtty, dep habarlaıdy «Adyrna» tilshisi
Aıyptalýshy H. Qylmystyq kodekstiń 99-baby 1-bóligimen kináli dep tanylyp, 11 jylǵa sottaldy. Sot jábirlenýshi taraptyń 25 mln teńge óndirip alý týraly talap aryzyn ishinara qanaǵattandyrdy.
«H.-dan S.-nyń paıdasyna 318 062 teńge materıaldyq shyǵyn, zańgerdiń kómegine 500 myń teńge óndirilsin. H.-dan S.-nyń paıdasyna 20 mln teńge moraldyq zııan jáne memleket paıdasyna óndirilsin»,— dedi sýdıa Altynbek Sabyrov.
Jábirlenýshi tarap sot úkimine narazylyq bildirdi. Olar apellıaııalyq shaǵym túsiretinin aıtty.
Eske salaıyq, qaıǵyly oqıǵa 2024 jyldyń 31 qańtarynan 1 aqpanǵa qaraǵan túni Temir aýdanynyń Shubarshı aýylynda bolǵan.
Er adam Aqtóbe qalasynan 350 shaqyrym qashyqtaǵy aýylǵa burynǵy áıelimen qosylý úshin taksımen izdep barǵan. Marqummen áńgimelesý barysynda kelispeýshilik týyndaǵan. Sottalýshy talaptaryna kónbegen burynǵy áıeliniń sózine yzylanyp, ony eki mınýt boıy tunshyqtyrǵan. Sot-medıına saraptama qorytyndysyna sáıkes kelinshektiń qaıtys bolýy sebebi mehanıkalyq asfeksııa dep tanyldy.