«El damýynyń negizi – turaqtylyq pen birlikte» osyndaı ataýmen Qazaqstan halqy Assambleıasynyń kezekti sessııasy ótti.
Sessııa otyrysynda Aqmola oblysynyń ákimi Marat Ahmetjanov, qoǵamdyq birlestikterdiń basshylary, zııaly qaýym ókilderi, QHA músheleri men jastar qanaty qatysty.
Jıynda alǵashqy bop sóz sóılegen oblys ákimi Marat Ahmetjanov, Memleket basshysy Assambleıanyń eldiń saıası jańǵyrýy men jalpyulttyq tutastyǵyn nyǵaıtýǵa qosqan úlesine joǵary baǵa bergenin aıta kelip, barlyq etnos ókilderin memleket damýynyń strategııalyq mindetterin birlesip sheshýge shaqyrdy.
«Búginde barlyq salalardyń jumysyn Ulttyq quryltaıdyń úshinshi otyrysynda belgilengen negizgi qundylyqtarǵa úılestirý qajet. Memlekettik organdar men jurtshylyq azamattyq biregeılikti nyǵaıtýǵa baǵyttalýy tıis. Assambleıa músheleri jastardy ıdeologııalyq tárbıeleý, bes áleýmettik jamandyqqa qarsy turý máselelerine kóp kóńil bólýi kerek», - dedi M.Ahmetjanov.
Sondaı-aq, sý tasqynynan zardap shekkenderge QHA qurylymy men etnomádenı birlestikterdiń 300 ókili bir kisideı at salysyp, kómek qolyn sozdy. Olardyń sý tasqynyna qarsy jumystaryna qosqan úlesi jıynda erekshe atalyp ótti.
Is-shara barysynda «Sangı-Kabýd» tájik mádenı ortalyǵynyń tóraǵasy, volonterlik ortalyqtyń basshysy Omar Shonazarov, Oblystyq jastar resýrstyq ortalyǵynyń basshysy Dastan Ermekov, Aqmola QHA janyndaǵy ǵylymı-saraptamalyq toptyń tóraǵasy Marat Ótegenov, Aqkól aýdanyndaǵy balalar mýzyka mektebiniń oqytýshysy Zenta oı sóz sóıledi.
Qatysýshylar memlekettik tildi úırený, QHA jastar qanatynyń qyzyqty jobalaryn iske asyrý jáne taǵy basqa máselelerdi talqylady.
Sessııa aıasynda oblystyq qoǵamdyq kelisim men jalpyulttyq birlikti nyǵaıtýǵa eleýli úles qosqan birqatar azamattar marapattaldy.
Esterińizge sala keteıik, Qazaqstan Respýblıkasy Prezıdentiniń Jarlyǵymen beıbitshilikti, halyqtar arasyndaǵy dostyq pen yntymaqtastyqty nyǵaıtýdaǵy, sondaı-aq memlekettik tildi damytýdaǵy qyzmeti úshin Qazaqstan halqy Assambleıasynyń múshesi, Kókshetaý qurylys-tehnologııalyq kolledjiniń oqytýshysy Alena Malkova-Solopova «Shapaǵat» medalimen marapattaldy.
Qazaqstan halqy Assambleıasy qyzmetiniń mańyzdy baǵyty ultaralyq kelisim men ishki saıası turaqtylyqty saqtaý jáne nyǵaıtý ekenin atap ótken óńir basshysy sessııa sońynda memlekettik organdarǵa «Aqmola oblysy Qazaqstan halqy Assambleıasynyń» 2022-2026 jyldarǵa arnalǵan damý tujyrymdamasyn júzege asyrý boıynsha jumysty jalǵastyrýǵa, etnomádenı birlestikterdiń jumysyn jandandyrýǵa baǵyttalǵan birqatar tapsyrmalar berdi.
