Qyrǵyzstan mılıııasy eks-prezıdent Almazbek Atambaevty kúshtep qamaýǵa alýdy josparlap otyr, dep málimdedi onyń qoǵamdyq bastamalar jónindegi keńesshisi Qundyz Joldybaeva. Bul týraly ol Facebook-te jazdy.
«Senimdi derekkózderden belgili bolǵandaı, eks-prezıdent Almazbek Atambaevty kúshpen tutqyndaýǵa buıryq berildi. Operaııany erteń kúnniń ekinshi jartysynda myń jarym quqyq qorǵaý organdarynyń qyzmetkerleri júzege asyrady dep josparlanyp otyr. Bılik radıkaldy sharalardyń saldary aýyr bolýy múmkin ekenin umytyp ketse kerek», - dep jazdy ol.
18 shildede mılıııa qyzmetkerleri Atambaevqa ishki ister mınıstrligine tergeýge shaqyrý qaǵazyn úshinshi ret berdi. Ol 19 shilde kúni saǵat 10:00-de quzyrly organǵa kelýi kerek, dep habarlady Sputnik Qyrǵyzstan.
Birinshi ret kýáger retinde tergeýge shaqyrtý qaǵazy 8 shilde kúni berilgen. Alaıda burynǵy memleket basshysy jýrnalısterge tergeýge barmaıtynyn málimdegen. Onyń pikirinshe, «bılik zań sheńberinen shyǵyp ketken». Ekinshi ret tergeýge shaqyrý qaǵazy 10 shilde kúni jiberilgen. Biraq ol IIM-ge barmaǵan.
13 shilde kúni Qyrǵyzstan parlamenti arnaıy komıssııa quryp, onyń qorytyndysy boıynsha Almazbek Atambaevtyń 6 qylmystyq iske qatysy bary anyqtalǵan. 20 maýsymda Jogorký Kenesh bul qorytyndyny maquldap, bas prokýratýraǵa jibergen. Al 25 maýsymda prokýratýra alty faktiniń beseýine qatysty qylmystyq is qozǵaýǵa bolatynyn habarlaǵan.
27 maýsym kúni Jogorký Kenesh Almazbek Atambaevty eks-prezıdent mártebesinen aıyrǵan. Bul sheshimdi 103 depýtat qoldap, 6 depýtat oǵan qarsy daýys bergen. Osylaısha, burynǵy memleket basshysy eshkimniń tıispeýi jónindegi quqyǵynan aıyryldy.
Búginde Almazbek Atambaevqa Qoı-Tas aýylynda jer telimin zańsyz aldy, qylmystyq álemniń serkesi A.Batýkaevty zańsyz bosatty, Sýbıhı Parhatıdiń «Forým» ǵımaratyn alaıaqtyq jolmen satty, Bishkek qalasyndaǵy JES-ti rekonstrýkııalaý men oǵan kómir satyp alý jumystary kezinde sybaılas jemqorlyqqa jol berdi degen aıyptar taǵylyp otyr.
"Adyrna" ulttyq portaly
