Aslan Mūqanovtyŋ otbasy boksşy terıs dıni aǧymnyŋ yqpalyna tüstı dep sanaidy
Qazaqstannyŋ bylǧary qolǧap şeberı, bokstan älem chempiony Aslan Mūqanov tuǧan jezdesın öltırdı dep aiyptaldy.
"Kostanaiskie novosti" basylymynyŋ jazuynşa, 11 şıldede küdıkke ılıngen boksşy qylmys ornynan segız şaqyrym qaşyqtyqta ūstaldy.
Aslan kışkentaiynan sportpen şūǧyldanǧan. Äuesqoi boksta tasy örge domalap, joǧary jetıstıkterge jettı, sport şeberı ataǧyn aldy. Ärı qarai käsıpqoi boksqa auysqan. Qostanai komandasynyŋ kömegımen Mūqanov Maiamige ketıp, käsıbi ringte alty jeŋıske jettı. Sodan soŋ belgılı promouter Nelson Lopespen bırge jūmys ıstei bastady.
Mūqanovtyŋ ısı
13 şıldede Qostanai audandyq sotynda tergeu toby Mūqanovty qamauǧa aludy sūrady. Jantürşıgerlık qylmys jasady dep aiyptalǧan boksşy mız baqpai, jekpe-jek aldynda öz-özın ıştei qairap otyrǧan adamdai körıngen. "Mūqanov Pışenbaevty terıs ömır salty men äpkesıne kün körsetpegenı üşın öltırudı josparlaǧan. Ol aldyn ala daiyndap qoiǧan pyşaqty alyp, Altyn Dala auylyna jaiau baryp, taŋǧy saǧat altyda äpkesınıŋ esıgın qaǧady. Esıktı Pışenbaev aşady da, jatyn bölmege qaita kırıp, jatyp qalypty. Mūqanov juynyp, üstıne ūzyn qoŋyr jeidesın kigen", - dep tergeuşı bolǧan oqiǧany baiandady. Saǧat 6:40-ta Aslan jezdesı ūiyqtap jatqan bölmege kırıp, Pışenbaevtyŋ moinyna pyşaq salady. Er adam oianyp, qarsylyq körsetuge tyrysqan. Sol kezde Mūqanov Pışenbaevtyŋ keudesı men qolyna taǧy bırneşe ret pyşaq sūǧypty. Pışenbaev şalqasynan jatyp, köz jūmǧan. Eks-boksşyǧa QR QK 99-baby 2-bölımı 3-tarmaǧy boiynşa (Qarsylyq körsetuge därmensiz adamdy qasaqana öltıru) aiyp taǧylǧan. Būl bap boiynşa sottaluşy 15 jylǧa deiın bas bostandyǧynan aiyryluy mümkın. Sotta Mūqanov kınäsın moiyndap, tergeuşımen tolyq kelıstı. "Qaida bara jattyŋyz? Nege sızdı Zarechnyi maŋynda ūstady?" degen sūraqqa ol:"Özennen jüzıp öttım. Tauǧa şyqqym kelgen edı, aua raiy jaqsy boldy... Sodan soŋ ata-anam qoŋyrau şaldy... Soŋymnan kele jatqanyn sezıp, polisiiany küttım", - dep jauap berdı.
Sot Aslandy ekı aiǧa qamauǧa aluǧa şeşım qabyldady.Aslan Mūqanovqa ne boldy?
Anasy Zäure Tölebaiqyzy äleumettık jelılerdegı türlı qauesetterden şarşap, bolǧan oqiǧanyŋ anyq-qanyǧyn aityp beruge kelısıptı. "Seka (Serık Pışenbaev – Sputnik) qyzymdy alaqanyna salyp, aialap ūstady, otbasymyzǧa degen köŋılı de erekşe edı. Kün körsetpedı degen ne söz? Jaqsy köretın, qonaqqa barǧanymyzda bärımızge jaqsylyq tıledı. Aslan ekeuı aǧaiyndy siiaqty edı... Aslan Kolumbiiada jürgende, aqşa jıberıp kömektestı, būl jaily eşkımge tıs jaryp aitpaǧan bolatyn", - deidı äiel közıne jas alyp. Qaiǧydan qan jūtyp otyrǧan ananyŋ aituynşa, Aslanǧa bıreuler yqpal etken."Soŋǧy kezderı basqa älemde jürgendei edı. Ne oilaǧanyn bılsem, üige bailap qoiar edım", - deidı ol zar eŋırep.
Äiel adamnyŋ sözıne süiensek, şetelde Aslanǧa destruktivtı dıni aǧym ökılderı yqpal etıptı. Kolumbiiada tūrmysy tömendep, äbden qinalǧan ol Qazaqstanǧa oralǧysy keledı. Söitıp, biyl 26 mausymda Aslan üiıne oralady. Ata-anasyna öz ısın bastaǧysy keletının aityp, dostarymen söilesıp jürıptı. Alaida anasy ūlynyŋ özgergenın sol kezde sezgen eken. "Külmeitının bırden baiqadym. Söilesuge telefon alyp bergenbız. Künı boiy şūqylap, özımen-özı, bölek älemde otyratyn, - deidı Zäure Tölebaiqyzy. – Bır joly maǧan: "Mama, bılesıŋ be, adam ömırı osyndai qysqa" – dep moinyn sausaǧymen keskendei etıp körsettı. Ol kezde nenı meŋzegenın eşqaisymyz tüsınbeppız". Tuǧan-tuystary jıgıttıŋ būl küiıne qarap, basyna tüsken auyrtpalyqtan küizelıske ūşyraǧan ǧoi dep oilaǧan. Esterıŋızge sala ketsek, 12 şıldede Qostanai oblysynda bokstan Qazaqstan chempiony Aslan Mūqanov adam öltırdı degen küdıkpen ūstalǧany belgılı boldy. Oblystaǧy polisiia departamentınıŋ aqparatyna säikes, 11 şılde künı 32 jastaǧy tūrǧynnyŋ denesı tabylǧan. Būl turaly polisiiaǧa qaitys bolǧan adamnyŋ äielı habarlapty.Sputnik
