Älemnıŋ myqty karatisterın jinaityn Dageki World Full Contact Karate Championship-2024 dodasyna Qazaqstannan qatysqan sportşylar komandalyq esepte 1-oryn aldy. Altyn medal alǧan täjıribelı sportşy azamattar ışınde 17 jasar Diana Esjanova da bar.
Elımızdıŋ namysyn qorǧap Kanadaǧa barǧanQazaqstan qūramasynda 21 sportşy bolsa, onyŋ on bırı Qaraǧandydan barǧan. 17-19 mamyr aralyǧynda ötken chempionatta ūlttyq qūramanyŋ jas örenderı jalpy sany 9 medal ielense, onyŋ törteuı – altyn, ekeuı – kümıs, ekeuı – qola. Osylaişa jalpykomandalyq esepte Qazaqstan Japoniianyŋ aldyna tüsıp, 1-orynǧa jaiǧasty.
Monreal qalasynda ötken sporttyq şaraǧa 12 memleketten älemnıŋ 800-ge juyq eŋ myqty sportşylary jinaldy. AQŞ, Japoniia, Kanada syndy alpauyt elderdıŋ ortasynda qazaq sportşylary baryn saldy. Barlyq bäseke tıkelei efirde transliasiialanyp, älemnıŋ tükpır-tükpırınde otyrǧan janküierlerdıŋ delebesın qozdyrdy.
Osyndai aituly synda altynnan alqa taqqanbızdıŋ karatister – Timur Raiymbekov, Artiom Redin, Mūhtar Äbışev jäne Diana Esjanova.
On jetı jasar Diana Esjanova – Qaraǧandy ekonomika, qūqyq jäne biznes kolledjınıŋ 3-kurs studentı. Bapkerlerı Diananyŋ qaisar mınezıne täntı bolǧanyn aitady. «Diananyŋ Aqjoltai Aǧybai batyrdyŋ tıkelei ūrpaǧy ekenın jaqsy bılemız. Däl osy halyqaralyq synda Diana jas bolsa da, öjet ruhymen, tabandylyǧymen jäne myqty fizikalyq daiyndyǧymen erekşe közge tüsıp, top jardy», – deidı bapkerı T. Raiymbekov.
«Bırınşı bäsekege AQŞ sportşysymen tüstım. Ony jeŋgen soŋ, Kanadalyq sportşymen baq synastym. Ata-anam jäne äjem Qanaǧat Tarǧynqyzy menı batyrlarǧa tän ör ruhta tärbielegen. Erık-jıgerımdı qairap, jeŋıstı qoldan bermedım», – deidı altyn qyz Diana Dulatqyzy.
Qazaqstan qūramasynyŋ kelesı maqsaty – 2024 jyldyŋ 1-2 tamyzynda Astanada ötetın Aziia chempionatynda laiyqty öner körsetu. Aita keter bolsaq, Kanadada ötken soŋǧy «Dageki 2016» chempionatynda Qazaqstan 1 altyn, 2 qolamen oralǧan bolatyn.
Alma Sailauqyzy
